Hvernig Airbnb gætir öryggis gestgjafa

Þú gætir haft spurningar um hvernig þú getur verndað eign þína og eigur þegar ferðamenn gista á heimilinu. Það er mjög sjaldgæft að tjón eða öryggisvandamál komi upp en Airbnb býður upp á margskonar vernd fyrir gestgjafa og gesti.

Airbnb hjálpar þér að kynnast gestum. Ef þú býður hraðbókun getur þú sérsniðið stillingar þínar til að bæta við kröfum til gesta sem eru víðtækari en almennar bókunarkröfur okkar fyrir gesti. Ef þú vilt staðfesta bókunarbeiðnir handvirkt getur þú opnað notendalýsingar gesta og lesið umsagnir fyrri gestgjafa áður en þú samþykkir tiltekna bókun.

Þar sem gestgjafar og gestir geta aðeins skrifað umsögn að bókun lokinni gengur þú að því vísu að umsögnin sé byggð á raunverulegri upplifun. Þú getur einnig notað örugga skilaboðakerfi Airbnb til að spyrja spurninga og greina frá væntingum hvenær sem er áður en gestur gistir hjá þér.

AirCover fyrir gestgjafa veitir öllum gestgjöfum á Airbnb vernd frá A til Ö. Hún felur í sér öryggisráðstafanir eins og staðfestingu á auðkenni gesta áður en ferð hefst, til að tryggja að bókunaraðilar séu þeir sem þeir segjast vera. Tækni okkar til að skima bókanir hjálpar einnig til við að draga úr líkum á samkvæmum sem valda ónæði og eignatjóni.

AirCover fyrir gestgjafa felur í sér ábyrgðartryggingu gestgjafa upp að 1 milljón Bandaríkjadala og eignavernd gestgjafa upp að 3 milljónum Bandaríkjadala sem nær yfir listmuni, verðmæta muni, bíla sem lagt er í stæði, báta, önnur ökutæki og fleira.

Frekari upplýsingar um AirCover fyrir gestgjafa

Grunnreglur fyrir gesti eru viðmið sem hægt er að framfylgja og allir gestir þurfa að fara eftir. Samkvæmt grunnreglunum þurfa gestir að ganga vel um eignina, fylgja húsreglum þínum, eiga í tímanlegum samskiptum við þig ef eitthvað kemur upp á og skilja við heimilið í ástandi sem krefst ekki óhóflegra þrifa. Allir gestir sem bóka ganga að þessum reglum fyrir bókun.

Airbnb beitir fjölda öryggisráðstafana til að standa vörð um aðgang notenda—til dæmis með viðbótarsannvottun þegar einhver skráir sig inn úr nýjum síma eða tölvu—og við sendum út viðvaranir þegar breytingar eru gerðar á aðgangi. Ef þú notar Airbnb í öllu ferlinu (samskiptum, bókun og greiðslu) nýtur þú góðs af reglum og vernd Airbnb.

Þjónustuver Airbnb er til taks á 62 tungumálum til að aðstoða við þætti eins og:

• Endurbókun
• Endurgreiðslur
• Málamiðlun

Frekari upplýsingar um reglur okkar og vernd í boði

Eignavernd gestgjafa, sem heyrir undir AirCover fyrir gestgjafa, ábyrgðartrygging gestgjafaog ábyrgðartrygging upplifana, gilda hvorki um gestgjafa sem bjóða gistingu eða upplifanir í Japan, þar sem japanska gestgjafatryggingin og japanska upplifunartryggingin gilda, né gestgjafa sem bjóða gistingu í gegnum Airbnb Travel LLC. Gestgjafaverndin í Kína gildir fyrir gestgjafa sem buðu gistingu eða upplifanir á meginlandi Kína. Hafðu í huga að öll tryggingarmörk eru sýnd í Bandaríkjadölum.

Ábyrgðartrygging gestgjafa og ábyrgðartrygging upplifana eru vátryggðar af utanaðkomandi tryggingarfélögum. Ef þú ert gestgjafi í Bretlandi þá er Zurich Insurance vátryggjandi fyrir ábyrgðartryggingu gestgjafa og ábyrgðartryggingu upplifana og Airbnb UK Services Limited, tilnefndur fulltrúi Aon UK Limited, með heimild og undir eftirliti breska fjármálaeftirlitsins (e. Financial Conduct Authority) sér um tryggingarnar og gerir þær upp án nokkurs viðbótarkostnaðar fyrir gestgjafa í Bretlandi. Skráningarnúmer Aon hjá FCA er 310451. Þú getur staðfest upplýsingarnar með því að skoða fjármálaþjónustuskrána eða með því að hafa samband við FCA í síma 0800 111 6768. Reglur hvað varðar ábyrgðartryggingu gestgjafa og ábyrgðartryggingu upplifana samkvæmt AirCover fyrir gestgjafa sæta eftirliti breska fjármálaeftirlitsins (FCA). Aðrar vörur og þjónusta eru ekki eftirlitsskyldar vörur í umsjá Airbnb UK Services Limited. FPAFF405LC

Eignavernd gestgjafa er ekki vátrygging og tengist ekki ábyrgðartryggingu gestgjafa. Samkvæmt eignavernd gestgjafa færðu endurgreiðslu vegna tiltekins tjóns sem gestir valda á heimili þínu og eigum ef gesturinn greiðir ekki fyrir tjónið. Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. Þessir skilmálar eignaverndar gestgjafa gilda fyrir gestgjafa með skráða búsetu eða starfsstöð utan Ástralíu. Ef gestgjafar hafa skráða búsetu eða starfa innan Ástralíu er eignavernd gestgjafa háð skilmálum eignaverndar gestgjafa fyrir ástralska notendur.

Upplýsingarnar í þessari grein gætu hafa breyst frá birtingu.