Haltu áfram til að sjá tillögur að niðurstöðum

    Hvernig hraðbókun virkar

    Hraðbókun getur einfaldað bókunarferlið og vakið athygli á skráningunni þinni.
    Höf: Airbnb, 14. des. 2020
    3 mín. lestur
    Síðast uppfært 14. maí 2021

    Aðalatriði

    • Haltu dagatalinu uppfærðu þegar þú notar hraðbókun

    • Veldu þín eigin skilyrði fyrir hraðbókun, t.d. aðeins gesti með jákvæðar umsagnir

    • Bjóða hraðbókun

    • Kynntu þér meira í handbók okkar um uppsetningu árangursríkrar skráningar

    Grundvallaratriði varðandi hraðbókun

    Hraðbókun er öflugt tól fyrir gesti til að bóka samstundis lausar dagsetningar. Þannig þarft þú ekki að fara yfir og samþykkja hverja bókunarbeiðni fyrir sig. Margir gestgjafar hafa sagt okkur að tekjurnar séu hærri þegar bókunarferli gesta er einfaldara og að þeim finnist þetta þægilegra. Gestir leita oft að eignum með hraðbókun.

    Uppfært dagatal er undirstaða þess að ná árangri með hraðbókun. Ef þú getur ekki gert þetta gætu óvæntar bókanir komið þér á óvart eða þú gætir þurft að fella niður bókun sem varð vegna villu við skipulag, sem gæti leitt til afbókunargjalds. Til að vera viss um að dagatalið þitt á Airbnb sé alltaf uppfært er gott að samstilla það við dagatalið sem þú notar mest (iCal, Google o.s.frv.).

    Tól til að losna undan áhyggjum

    Sumir gestgjafar gætu verið hikandi í upphafi við að nota hraðbókun vegna áhyggna af ónægum upplýsingum um mögulega gesti fyrir bókun. Gestir þurfa að uppfylla allar kröfur þínar til gesta og samþykkja húsreglur þínar áður en þeir geta notað hraðbókun. Þú getur stillt kröfurnar þannig að hraðbókun bjóðist t.d. aðeins gestum sem hafa fengið jákvæðar umsagnir annarra gestgjafa eða gestum sem eru með opinber skilríki.

    Þú getur einnig búið til sérsniðna kveðju og sett inn mikilvægar spurningar sem gestir með hraðbókun fá í bókunarferlinu:

    • Hver annar mun gista með þér?
    • Hver er tilgangur ferðarinnar?
    • Eru einhverjar aðrar upplýsingar sem þú vilt deila um ferðina?

    Gestgjafanum Kristine frá San Francisco fannst jákvæðar einkunnir gesta skipta miklu máli. „Þegar ég áttaði mig á því að Airbnb gæti séð sjálfkrafa um það sem ég vildi sjá hjá gestum var skynsamlegra fyrir mig að bjóða hraðbókun til að fá fleiri flettingar og bókanir en að viðhalda sömu gæðum og ég náði með því að yfirfara beiðnir sjálf,“ segir hún.

    Ástæður þess að þú gætir áfram fengið bókunarbeiðni

    Þú gætir fengið bókunarbeiðnir frá gestum þótt þú bjóðir hraðbókun. Þetta gæti gerst ef þú hefur ekki uppfært dagatalið þitt í einhvern tíma eða ef þú hefur nýlega þurft að afbóka. Gestir sem uppfylla ekki viðmiðin hjá þér til að geta bókað samstundis geta einnig sent bókunarbeiðnir. Þú þarft að svara öllum beiðnum með því að samþykkja eða hafna bókuninni eða senda mögulegum gestum skilaboð innan sólarhrings.

    Ástæður þess að sumir gestgjafar nota ekki hraðbókun

    Þrátt fyrir ýmsan ávinning af hraðbókun telja sumir gestgjafar að bókunarbeiðnir virki betur fyrir sig:

    • Aðeins boðin lengri dvöl. Annie, gestgjafi í Sonoma, Kaliforníu, notar bókunarbeiðnir vegna þess að hún býður aðeins gistingu í 30 daga eða lengur í samræmi við reglur um gistingu þar sem hún er. „Ég myndi gjarnan vilja nota hraðbókun en hafa þarf mun fleira í huga þegar tekið er á móti gestum í svona langan tíma,“ segir hún. „Þetta er líkara því að vera með leigjanda.“
    • Fólk er með sérstakar persónulegar kröfur. Nichola, gestgjafi í Guelph, Kanada, er með umhverfisnæmi sem krefst þess að engin lykt sé í eigninni. Hún notar því bókunarbeiðnir til að tryggja að gestir séu tilbúnir að samþykkja mjög sérstakar húsreglur hennar. „Ég fæ mígreni af vörum sem lykta og því þarf ég að tryggja að gestir mínir skilji lyktarofnæmi,“ segir hún.
    • Eignin er sérstök eða getur valdið vandræðum. Til dæmis sérherbergi á heimili þar sem eru gæludýr eða börn eða mjög óheflað rými sem gæti verið erfitt fyrir ákveðna gesti. Bókunarbeiðnir geta verið góður kostur svo að gestir viti af öllu sem er sérstakt við heimilið fyrir komu.

    Áreiðanleiki er lykilatriði fyrir hraðbókun

    Mundu að það skiptir ekki máli hvaða ákvörðun þú tekur. Airbnb er með strangar reglur varðandi afbókanir gestgjafa af því að áreiðanleiki er mikilvægur hluti af framúrskarandi gestrisni. Ef þú notar hraðbókun og bókun leggst illa í þig þegar gengið hefur verið frá henni (til dæmis vegna þess að væntanlegir gestir spyrja hvort þeir megi brjóta húsreglurnar hjá þér) getur þú afbókað án viðurlaga með því að nota afbókunartólið á Netinu allt að þrisvar sinnum á hverju almanaksári.

    Hafðu í huga að þú getur aldrei afbókað ef ástæðan brýtur í bága við reglur Airbnb gegn mismunun. Ef þú fellir niður bókun bendir það til að hraðbókun henti þér ekki eins og er. Þá gæti Airbnb í staðinn sent bókunarbeiðnir fyrir næstu bókanir hjá þér.
    Upplýsingarnar í þessari grein gætu hafa breyst frá birtingu.

    Aðalatriði

    • Haltu dagatalinu uppfærðu þegar þú notar hraðbókun

    • Veldu þín eigin skilyrði fyrir hraðbókun, t.d. aðeins gesti með jákvæðar umsagnir

    • Bjóða hraðbókun

    • Kynntu þér meira í handbók okkar um uppsetningu árangursríkrar skráningar
    Airbnb
    14. des. 2020
    Kom þetta að gagni?