Við kynnum dagsflipann, miðstöð þína fyrir gistingu
Aðalatriði
Dagsflipinn einfaldar þér umsjón með daglegum verkum þínum sem gestgjafi
Með dagsflipanum er auðvelt að nálgast öll verkefni og upplýsingar á sama stað úr öllum tækjum
Eftir því sem dagatalið þitt fyllist aukast líklega verkefnin sem sinna þarf við gestaumsjón. Dagsflipinn, fyrsti skjárinn sem birtist þegar þú skiptir yfir í gestaumsjón í Airbnb appinu eða á vefsíðunni, er hannaður til að spara þér tíma við dagleg verkefni.
Í dagsflipanum getur þú haft umsjón með bókunarbeiðnum eða bókunum og fengið greiðari aðgang að fleiri tólum til að ljúka verkum þínum. Þú getur einnig fundið önnur úrræði, þar á meðal nýjustu fréttir og ábendingar frá Airbnb.
Lykilverkfæri og úrræði
Viðmótið sýnir sömu mikilvægu upplýsingarnar og þú þarft til að halda utan um gestaumsjón hvort sem þú opnar dagsflipann úr fartæki eða tölvu. Hér finnurðu:
Aðkallandi tilkynningar eins og bókunarbeiðnir í vinnslu eða ólokin verk
Bókanir gesta, bæði yfirstandandi og væntanlegar
Næstu skref, þar á meðal sértækar aðgerðir sem þú getur framkvæmt til að gera skráninguna áhugaverðari og nýta þér bókunarþróun
Ábendingar og uppfærslur frá Airbnb um nýja eiginleika og tól, sérstaka viðburði og breytingar á reglum sem geta haft áhrif á þig
Fartækjavænir eiginleikar
Lykilþáttur þess að ná árangri sem gestgjafi er að svara gestum tímanlega, sem er ástæða þess að margir gestgjafar nota snjallsímann til að svara á meðan þeir eru á ferðinni. Í öllum útgáfum farsíma-appsins veitir dagsflipinn þér aðgang að mikilvægum upplýsingum með einum smelli.
Neðst á skjánum finnur þú eftirfarandi hnappa:
Dagsflipann, sem færir þig fljótt aftur efst á skjáinn
Innhólfið, þar sem þú getur lesið, sent og tímasett skilaboð eða haft samband við okkur ef þig vantar aðstoð
Dagatalið, þar sem þú getur haldið utan um verðstillingar og framboð, sérstaklega ef þú ert með kveikt á hraðbókun
Innsýn, meðal annars á frammistöðugögn, bókunarþróun og tekjumöguleika
Valmyndina, þaðan sem þú getur opnað skráningarsíðuna og hlekki á úrræði fyrir gestgjafa, samfélagsspjallborðið og fleira
Skjáborðsvænir eiginleikar
Dagsflipinn birtist á sama hátt á vefsíðunni og í appinu, nema hjá gestgjöfum með fleiri en eina skráningu. Ef þú ert með fleiri en eina skráningu getur þú nálgast verkfæri fyrir faggestgjafa í gegnum valmyndahnappinn úr vafra. Þessir eiginleikar fela í sér færsluskrána og tölfræði á borð við tekjur.
Þú getur reitt þig á dagsflipann til að einbeita þér að því sem er mikilvægast í gistirekstrinum, óháð því hversu mikið er að gera hjá þér.
Upplýsingarnar í þessari grein gætu hafa breyst frá birtingu.
Aðalatriði
Dagsflipinn einfaldar þér umsjón með daglegum verkum þínum sem gestgjafi
Með dagsflipanum er auðvelt að nálgast öll verkefni og upplýsingar á sama stað úr öllum tækjum