Berðu raunhæfar væntingar til gistireksturs þíns

Margir af farsælustu gestgjöfum Airbnb eru slungnir við rekstur og næmir á tækifærin. Athugasemdir þínar eru innblástur að nýjum eiginleikum og uppfærslum fyrir gestgjafa og hjálpa til við að móta verðtól okkar og ábendingar.

Það getur tekið tíma og nokkrar tilraunir að þróa verðstefnu sem hentar þér. Reyndu að setja þér raunhæfar væntingar með því að einbeita þér að því sem þú hefur stjórn á hafa opinn huga.

„Þegar allt kemur til alls er gestaumsjón rekstrarform,“ segir Reed, kennari, frumkvöðull og fyrrverandi meðlimur ráðgjafaráðs gestgjafa í Fíladelfíu. „Hugmyndafræði Airbnb byggir á gestrisni þinni og hvernig þú lætur fólk finna til tengingar. Fólk mun koma aftur ef þú tileinkar þér þessa hugmyndafræði.“

Sumum hlutum getur þú ekki breytt, svo sem staðsetningu þinni, svæðisbundinni eftirspurn og efnahagslífinu. Þú getur þó alltaf fylgst með þróuninni og aðlagað framboð þitt að henni.

• Fylstu með svæðisbundinni eftirspurn. Berðu verðið hjá þér reglulega saman við sambærilegar eignir í nágrenninu. Þú getur einnig prófað snjallverð til að breyta verðinu hjá þér sjálfkrafa miðað við eftirspurn á staðnum.

• Prófaðu þig áfram. Skoðaðu alla verðsundurliðunina á því sem gestir greiða og þú vinnur þér inn og íhugaðu hvort kynningartilboð eða afslættir gætu komið sér vel fyrir þig.

• Uppfærðu skráningarupplýsingar reglulega. Þetta felur í sér nákvæma skráningarlýsingu, skýrar upplýsingar um þægindi sem standa til boða og góðar myndir til að veita myndleiðangur um eignina.

• Gefðu skýra mynd af því hvernig gestgjafi þú ert. Nýttu þér húsreglurnar til að tilgreina hvað má og má ekki og tileinkaðu þér orðalag án aðgreiningar til að taka vel á móti fólki, óháð bakgrunni þess.

Það getur komið fyrir að þú fáir neikvæðar umsagnir frá gestum, en þá er um að gera að draga innblástur frá þeim og nýta þær til að gera úrbætur. Þannig getur þú aukið virði og sýnt í verki að ánægja gesta skipti þig máli.

Þetta fræðsluefni leggur áherslu á að nálgast gestaumsjón af opnum hug, forvitni og áhuga á að gera sífellt betur. Sálfræðingar kalla þetta vaxtarhugarfar, en það er einmitt áberandi hjá farsælum gestgjöfum.

Sveigjanleiki smitar út frá sér. Með því að bregðast við athugasemdum gesta með uppbyggilegum hætti getur þú gert viðeigandi endurbætur og sýnt að ánægja gesta skipti þig máli. Slíkar endurbætur hafa ekki aðeins áhrif á verðstefnu þína heldur einnig vöxt þinn sem gestgjafa.

„Hvernig kemur þú fram við gestina þína?“ spyr Pamellah, fyrrverandi meðlimur ráðgjafaráðs gestgjafa í Malindi, Kenía. „Ég skapa fallegt umhverfi svo að gestir upplifi hlýleika og finnist þeir vera velkomnir. Það er það sem Airbnb snýst um: Að gestum finnist þeir tilheyra og vera velkomnir.“

Þegar gestir upplifa góða gestrisni gefa þeir yfirleitt góðar umsagnir. Með því að sýna það sem þú hefur fram að færa sem gestgjafi stuðlar þú að auknum viðskiptum og áttar þig betur á hvaða verðstefna hentar þér.

Upplýsingarnar í þessari grein gætu hafa breyst frá birtingu.