Haltu áfram til að sjá tillögur að niðurstöðum

    Hvernig leit virkar á Airbnb

    Kynntu þér hvaða þættir hafa áhrif á leit og hvernig þú getur bætt stöðuna þína.
    Höf: Airbnb, 1. des. 2019
    4 mín. lestur
    Síðast uppfært 13. maí 2021

    Aðalatriði

    • Airbnb notar meira en 100 merki til að ákveða hvernig raða eigi eignum í leitarniðurstöðum

    • Til að bæta stöðuna í leit: hafðu samkeppnishæft verð og samþykktu fleiri bókanir

    • Til að finna skráninguna þína: láttu leitarskilyrði stemma saman við bókunarstillingar skráningar þinnar, kröfur og lausar dagsetningar

    • Kynntu þér meira í handbók okkar um uppsetningu árangursríkrar skráningar

    Þú hefur búið til og birt frábæra skráningu og nú vilja vinir þínir og fjölskylda skoða hana. Hvernig finna þau hana? Hvernig ákveður leitarvél Airbnb hvaða skráningar eru birtar ferðamönnum sem leita þar sem þú ert þegar horft er til allra skráninganna sem eru í boði? Kynntu þér hvaða þættir hafa áhrif á stöðu skráningar þinnar í leitarniðurstöðum og skildu hvernig þú getur tryggt að þú getir fundið eigin skráningu í leit.

    Undirstöðuatriði leitar á Airbnb

    Reiknirit Airbnb tekur tillit til meira en 100 merkja til að ákveða hvernig raða eigi skráningum í leitarniðurstöðum. Því er ætlað að tengja gesti við þær skráningar sem þeir hafa áhuga á, byggt á milljónum leitardæma sem hafa áður leitt til bókana. Það er einnig sérsniðið fyrir hvern gest miðað við staðsetningu, fyrri ferðir og vistaðar eignir. Ekki eru öll merki metin jafnt og þú þarft ekki að hafa fullkomna skráningu eða óviðjafnanlega staðsetningu til að skráningin þín birtist ofarlega.

    3 mikilvægustu þættir sem hafa áhrif á röðun

    1. Hve vel skráningar höfða til gesta
    Reiknirit Airbnb tekur tillit til þess hve oft gestir smella á skráningu, hve oft gestir reyna að hafa samband á skráningarsíðunni og hve margar bókunarbeiðnir eru samþykktar. Ef margir gestir setja eignina þína á óskalistann sinn mun hún einnig birtast ofar og líklegt er að þeir gestir finni eignina þína aftur við leit síðar.

    2. Verð
    Airbnb tekur tillit til þess hve samkeppnishæft verð skráningarinnar þinnar er samanborið við aðrar svipaðar eignir á svæðinu. Leitarvélin tekur tillit til heildarverðs hjá þér fyrir utan skatta, þar á meðal afsláttar og viðbótargjalda. Samkeppnishæft verð getur bætt stöðu í leitarniðurstöðum þar sem skráningar á besta verðinu birtast oftast ofar á listanum.

    Frekari upplýsingar um breytingu á verði

    3. Framboð
    Skráningin þín birtist í fleiri leitarniðurstöðum sé mikið úrval dagsetninga í dagatalinu, eða ef hraðbókun er í boði. Því fleiri dagsetningar sem þú býður upp á því meiri líkur eru á að skráningin þín birtist í ýmsum leitum og ef þú býður hraðbókun birtist skráningin þín í hvert sinn sem gestir leita að skráningum með hraðbókun þar sem þú ert.

    Hvernig kveikt og slökkt er á hraðbókun

    Ábending: Staða þín í leitarniðurstöðum batnar ef þú svarar beiðnum innan sólarhrings.

    Aðrar aðferðir til að bæta stöðuna

    • Komdu frábærlega fyrir við fyrstu kynni: Komdu frábærlega fyrir við fyrstu kynni: Gakktu úr skugga um að fyrsta myndin í skráningunni sé björt gæðamynd í langsniði. Eftir því sem forvitnir ferðalangar smella oftar hjá þér aukast líkurnar á að þú birtist ofar í leitarniðurstöðum með tímanum. Heillandi og raunveruleg ljósmynd er góð leið til að sýna eignina þína.
    • Bregstu hratt við: Staða þín í leitarniðurstöðum batnar ef þú svarar beiðnum innan sólarhrings.
    • Samþykktu bókanir: Ef þú ert hafnar oft bókunarbeiðnum getur það haft slæm áhrif á stöðu þína í leit vegna þess hve illa höfnun leggst í gesti sem reyna að bóka. Stundum er samt nauðsynlegt að hafna bókun.
    • Vertu ofurgestgjafi: Þó að Airbnb bæti ekki beint stöðu ofurgestgjafa í leitarniðurstöðum þá verða sömu atriði og þarf til að verða ofurgestgjafi, eins og jákvæðar einkunnir, hátt svarhlutfall og reglulegar bókanir, almennt til þess að skráningin birtist ofar. Gestir geta einnig valið um að sía leitarniðurstöður til að sýna aðeins skráningar ofurgestgjafa.

    Að finna skráninguna þína í leitarniðurstöðum

    Sérfræðingar Airbnb í aðstoð við samfélagið fá margar spurningar frá nýjum gestgjöfum sem segjast ekki geta fundið skráningarnar sínar í leitarniðurstöðum. Hérna eru tvær ástæður fyrir því að þetta gæti gerst:

    1. Það er seinkun á birtingu. Vanalega er seinkun frá því að þú birtir skráningu og þar til hún birtist í leitarniðurstöðum. Ef þú finnur eignina þína ekki innan sólarhrings getur þú haft samband við samfélagsaðstoðina til að finna ástæðuna.

    2. Leitin þín er of almenn. Víðtæk leit fyrir heila borg án dagsetninga getur skilað þúsundum niðurstaðna og skráningin þín birtist mögulega ekki ofarlega á listanum. Svona nota raunverulegir gestir þó vanalega ekki vefsíðuna. Hugsaðu því eins og ferðamaður þegar þú leitar að skráningunni þinni: notaðu tilteknar dagsetningar, þysjaðu inn á kortinu, finndu sérstök þægindi með síum eða bættu við verðsíu.

    Ábendingar um að finna eigin skráningu í leit

    • Gakktu úr skugga um að leitarskilyrði séu í samræmi við stillingar og kröfur sem þú hefur sett fyrir skráninguna
    • Athugaðu hvort dagsetningarnar uppfylli kröfur um lágmarksdvöl og að þú sért að leita að dagsetningum sem eru lausar í dagatalinu
    • Passaðu að leitin sé ekki fyrir fleiri gesti en hámarksfjöldinn sem þú hefur tilgreint í stillingunum
    • Ef þú býður hraðbókun og gerir kröfu um að gestir hafi fengið jákvæðar umsagnir áður en þeir bóka þarftu að hafa skráð þig inn og vera með jákvæðar umsagnir sem gestur á Airbnb til að finna skráninguna þína í leit
    • Mundu að framsetningin er sniðin aðeins að hverjum gesti um sig miðað við það sem gestirnir hafa skoðað áður á Airbnb. Auk þess gætu leitarniðurstöður breyst ef þú leitar í öðru tæki eða með huliðsstillingu
    • Ef eignin þín hefur sérstakan eiginleika, til dæmis ef þú leyfir gæludýr, getur þú prófað að bæta þeirri síu við leitina. Þú kemur kannski ekki efst í almennri leit á svæðinu en þú gætir verið nær toppnum í leit að eignum með þann tiltekna eiginleika
    • Ef eignin er með pláss fyrir marga gesti (svo sem 10 eða fleiri) getur hún komið fram hærra í leit að eignum með plássi fyrir átta gesti, sem dæmi, og lægra í leit að eignum fyrir aðeins einn eða tvo gesti
    Upplýsingarnar í þessari grein gætu hafa breyst frá birtingu.

    Aðalatriði

    • Airbnb notar meira en 100 merki til að ákveða hvernig raða eigi eignum í leitarniðurstöðum

    • Til að bæta stöðuna í leit: hafðu samkeppnishæft verð og samþykktu fleiri bókanir

    • Til að finna skráninguna þína: láttu leitarskilyrði stemma saman við bókunarstillingar skráningar þinnar, kröfur og lausar dagsetningar

    • Kynntu þér meira í handbók okkar um uppsetningu árangursríkrar skráningar
    Airbnb
    1. des. 2019
    Kom þetta að gagni?