Að taka vel á móti gestum með aðgengisþarfir

Við tökum á móti og styðjum við fólk með aðgengisþarfir. Þessir samfélagsmeðlimir okkar ættu að geta treyst því að gestgjafar þeirra veiti nákvæmar upplýsingar um aðgengiseiginleika.

Það sem við leyfum

• Undanþága vegna heilsu og öryggis gestgjafa varðandi þjónustudýr: Ef gestgjafi getur ekki tekið á móti þjónustudýrum vegna þess að dýrið myndi vera bein ógn við heilsu og öryggi íbúa á heimilinu getur gestgjafinn fengið undanþágu ef hann lætur okkur vita með fyrirvara.
• Beiðnir um að fjarlægja þjónustudýr sem umsjónaraðili hefur ekki stjórn á: Gestgjafar geta farið fram á að dýrið verði fjarlægt ef það er ekki undir stjórn gestsins. Ef dýrið er til dæmis skilið eftir án eftirlits meðan á bókun stendur.

Það sem við leyfum ekki

• Að hafna bókun vegna aðgengisþarfa gests: Ef engin samþykkt undanþága er til staðar mega gestgjafar ekki hafna, afbóka eða breyta bókun vegna þess að gestur er með þjónustudýr eða hjálpartæki.
• Að bæta gjöldum við vegna aðgengisþarfa gests: Gestgjafar mega ekki innheimta viðbótargjald fyrir þjónustudýr eða hjálpartæki. Kynntu þér aðgengisstefnu okkar og öðlastu skilning á ástæðu þess að þjónustudýr eru frábrugðin gæludýrum og dýrum sem veita andlegan stuðning.
• Að hafna sanngjörnum beiðnum frá gestum varðandi aðgengisþarfir: Gestgjafar ættu að samþykkja beiðnir er varða sanngjarnar aðgengisþarfir. Sanngjarnt er að biðja gestgjafa um að færa sófann frá dyrunum svo að gestur í hjólastól geti farið þægilega inn í stofuna (að því gefnu að það sé pláss til að færa sófann og að gestgjafinn geti fært sófann). Hins vegar er ekki sanngjarnt að biðja gestgjafa um að stækka dyragættina á heimili sínu til að koma hjólastól í gegnum hana.
• Misrétti: Ef engin samþykkt undanþága er til staðar ættu gestgjafar að beita sömu meðferð, reglum og hegðun gagnvart öllum gestum óháð aðgengisþörfum þeirra.
• Niðrandi orðræða: Enginn, hvorki gestur né gestgjafi, ætti að verða fyrir orðræðu sem móðgar viðkomandi vegna fötlunar, eins og niðrandi tali um þá þjónustu sem þjónustudýr hans eða hjálpartæki veitir eða annað niðrandi orðalag.
• Rangar staðhæfingar varðandi aðgengiseiginleika: Skráningar verða að innihalda nákvæmar upplýsingar um þá aðgengiseiginleika sem eru í boði í eigninni og í kringum hana. Gestgjafar ættu að leyna engu og ræða ítaratriði sem tengjast aðgengi í skilaboðaþræðinum við gesti með þekktar aðgengisþarfir.

Við erum þér innan handar

Ef þú verður vitni að eða upplifir hegðun sem brýtur gegn reglum okkar skaltu láta okkur vita.