Tekjustjórnborð: Vertu með tölurnar á hreinu

Með því að hafa tekjuupplýsingar þínar á hreinu getur þú bætt gistireksturinn. Það er ástæða þess að við erum að bæta nýjum eiginleikum, innblásnum af athugasemdum gestgjafa, við tekjustjórnborðið.

• Gagnvirkar töflur fyrir dýpri innsýn. Skoðaðu tekjur þínar eftir tilteknum mánuði eða ári, síaðu eftir skráningu og fáðu nánari upplýsingar um fyrri ár eða framtíðarspár.
• Ný og gagnleg miðstöð fyrir tekjuskýrslur. Fáðu sjálfkrafa mánaðar- og ársskýrslur og sæktu þær á PDF-sniði. Skýrslurnar fela í sér sundurliðun eftir skráningu og útborgunarmáta.

Opnaðu tekjustjórnborðið frá valmyndaflipanum. Veldu tekjur til að opna það.

Hér er allt það sem þú getur nálgast í endurbætta tekjustjórnborðinu.

Tekjutaflan efst á stjórnborðinu sýnir:

• Mánaðarlegar tekjur þínar undanfarna sex mánuði
• Hve mikið þú hefur þénað í mánuðinum fram að þessu
• Áætlaðar tekjur þínar næstu fimm mánuði miðað við bókanir á næstunni

Pikkaðu á tvöföldu örina til að stækka og nota tekjutöfluna. Nýja yfirlitið sýnir tekjur þínar á milli mánaða eða ára og eftir skráningu. Notaðu síuna til að velja hvaða skráningu eða skráningar þú vilt skoða.

Upplýsingar um frammistöðu sem birtast fyrir neðan gagnvirku tekjutöfluna ná yfir eftirfarandi þætti:

• Fjölda bókana
• Heildarfjölda bókaðra nátta
• Nýtingarhlutfall
• Meðallengd dvalar

Upplýsingarnar reiknast út frá tímarammanum og skráningunum sem þú ert að skoða. Þær uppfærast sjálfkrafa þegar þú notar síu eða endurhleður stjórnborðið.

Til að fá sundurliðun á tekjum þínum frá 1. janúar á líðandi ári, pikkar þú á skoða tekjuyfirlit við hliðina á töflunni. Það sýnir vergar tekjur þínar, sem er heildarupphæðin sem þú vinnur þér inn að undanskildum frádrætti. Hver frádráttur kemur fram á sér línu og síðan koma fram hreinar heildartekjur þínar.

Þú kemur til með að sjá eftirfarandi:

• Vergar tekjur
• Leiðréttingar
• Þjónustugjald gestgjafa
• Staðgreiðsluskatt
• Hreinar heildartekjur

Stjórnborðið leggur áherslu á væntanlegar og nýlegar færslur. Opnaðu tiltekna færslu til að nálgast nánari upplýsingar, þar á meðal:

• Sundurliðun á verði
• Dagsetningu greiðslu eða áætlaða dagsetningu hennar
• Valkost um að fá greitt innan 30 mínútna með hraðgreiðslu (aðeins í Bandaríkjunum)
• Tiltekinn bókunarkóða
• Nafn gests og ljósmynd

Opnaðu allar væntanlegar eða allar greiddar færslur til að sjá heildaryfirlit. Þaðan getur þú:

• Síað færslur eftir dagsetningu, skráningu og útborgunarmáta
• Leitað að nákvæmri greiðslufjárhæð eða staðfestingarkóða bókunar
• Búið til sérsniðnar skýrslur sem CSV-skrár með því að velja hvaða upplýsingar þú vilt taka til greina í skýrslunni, svo sem útborgunarmáta, bókunardagsetningu og staðfestingarkóða bókunar

Airbnb býr nú sjálfkrafa til mánaðar- og ársuppgjör fyrir þig í nýrri skýrslumiðstöð. Þú getur skoðað skýrslur allt frá árinu sem þú byrjaðir að taka á móti gestum og hlaðið þeim niður eða sent þær í tölvupósti á PDF-sniði.

Hver skýrsla leggur áherslu á tekjuupplýsingar þess mánaðar eða árs, þar á meðal:

• Sundurliðun vergra tekna, leiðréttingar, þjónustugjald gestgjafa, staðgreiðsluskatta og hreinar heildartekjur
• Upplýsingar um frammistöðu, eins og bókaðar gistinætur og meðallengd dvalar
• Tekjur eftir skráningu og útborgunarmáta
• Tekjur fyrir hvern mánuð á völdu ári (aðeins fyrir ársskýrslur)

Pikkaðu á gírhjólatáknið efst í hægra horninu á tekjustjórnborðinu til að opna:

• Útborgunarstillingar þar sem þú getur yfirfarið eða bætt við útborgunarmátum og millifærslureglum
• Skattupplýsingar þar sem þú getur haft umsjón með upplýsingum um skattgreiðanda og skattgögnum
• Tekjuskýrslur, sem er önnur leið til að nálgast yfirlitin í nýju skýrslumiðstöðinni

Prófaðu endurbætta tekjustjórnborðið í dag þegar þú skráir þig í forsýn.

Notendaupplifun getur verið mismunandi eftir staðsetningu.

Upplýsingarnar í þessari grein gætu hafa breyst frá birtingu.