Hvernig staðsetningu er bætt við
Staðsetning eignarinnar getur skipt sköpum upp á það að gera hvort gestir velji að gista hjá þér. Áður en gestir ganga frá bókun gætu þeir athugað hversu langt eignin er frá þeim stöðum sem þeir hyggjast skoða á ferðalagi sínu.
Sem gestgjafi hefur þú val um hvort þú gefur upp almenna eða nákvæma staðsetningu á kortinu sem birtist í leitarniðurstöðum. Í öllum tilvikum fá gestir þó aðeins uppgefið götuheiti eftir að bókun þeirra hefur verið staðfest.
Hvernig staðsetningu er bætt við
1. Sláðu inn götuheitið. Byrjaðu á því að slá það inn og þegar rétta heimilisfangið birtist velur þú það.
2. Staðfestu heimilisfangið. Bættu við ítarupplýsingum ef þess þarf eins og íbúðar- eða herbergisnúmeri.
3. Gættu þess að pinninn sé á réttum stað. Sé pinninn ekki á réttum stað skaltu færa kortið til þar til hann bendir á réttan stað.
4. Veldu kort. Kort sem sýnir almenna staðsetningu eignarinnar birtist við skráningarsíðuna þína nema að þú notir víxlrofann til að sýna nákvæma staðsetningu.
- Almenn staðsetning: Kortið af eigninni þinni sýnir svæðið í kringum hana, innan við 1 km (hálfri mílu) frá götuheitinu.
- Nákvæm staðsetning: Kortið af eigninni þinni sýnir pinna á næstu þvergötu en ekki nákvæma staðsetningu.