Ástæða mikilvægi þess að svara gestum tímanlega
Gestgjafarnir sem ná mestum árangri eru þeir sem svara skilaboðum gesta um leið og þau berast. Gott svarhlutfall getur meira að segja stuðlað að því að skráningin birtist ofar í leitarniðurstöðum gesta.
Það er sérstaklega mikilvægt að svara skjótt fyrir bókun, þegar gestur gæti þurft frekari upplýsingar áður en gengið er frá bókuninni og svo í kringum innritun og útritun þegar gestir gætu haft áríðandi spurningar. Við báðum gestgjafa með framúrskarandi svarhlutfall að deila nokkrum ábendingum með okkur.
Skjót svör
„Gakktu úr skugga um að tilkynningar í Airbnb appinu, textaskilaboðum og tölvupósti séu alltaf virkar þannig að þær komi örugglega upp á símanum þínum þegar ný skilaboð berast,“ segir Omar, ofurgestgjafi í Mexíkóborg.
Síðan getur þú prófað tól Airbnb til að gera svörin þín sjálfvirk. Kath, gestgjafi í Albany, Ástralíu, notar gjarnan hraðsvör. „Þau spara mér gífurlegan tíma og koma í veg fyrir að ég þurfi að skrifa sama hlutinn aftur og aftur,“ segir hún.
Tímasett skilaboð koma líka að góðum notum, sérstaklega við inn- og útritun. Keshav, meðlimur í ráðgjafaráði gestgjafa í Nýju-Delí á Indlandi sendir alltaf tímasett skilaboð sólarhring fyrir innritun gesta sem innihalda meðal annars leiðbeiningar til að komast inn í eignina ásamt öðrum komuupplýsingum.
„Ef gesturinn er ekki mættur á tilsettum innritunartíma, sendi ég viðkomandi önnur skilaboð og spyr: Ertu örugglega með allar upplýsingarnar? Ef þú ert að leita að réttri staðsetningu læt ég þær fylgja aftur með hér,“ segir Keshav.
Hvernig svarhlutfallið er reiknað út
Svarhlutfall þitt er prósentuhlutfall nýrra skilaboða frá gestum sem þú svaraðir innan 24 klukkutíma undanfarna 30 daga.
Þetta felur í sér að svara nýrri fyrirspurn frá gesti og að samþykkja, forsamþykkja eða hafna bókunarbeiðni.
Svarhlutfall þitt lækkar og meðalsvartíminn hækkar þegar þú svarar eftir meira en 24 klukkustundir.
Einn af mikilvægustu þáttum gestaumsjónar er að fylgjast með aðganginum að Airbnb og svara skilaboðum tímanlega. Þannig bætir þú svarhlutfall þitt og skráningin þín birtist ofar í leitarniðurstöðum.