Haltu áfram til að sjá tillögur að niðurstöðum

    Við kynnum meðlimi ráðgjafaráðs gestgjafa 2021

    Þessir 18 gestgjafar frá 15 löndum munu hjálpa til við að móta framtíð Airbnb.
    Höf: Catherine Powell, 16. des. 2020
    3 mín. myndskeið
    Síðast uppfært 18. feb. 2022

    Aðalatriði

    • Meðlimir ráðgjafaráðs gestgjafa endurspegla fjölbreyttan hóp gestgjafa

    • Meðlimirnir eru valdir með hliðsjón af áhuga þeirra á gestgjafahlutverkinu, framlagi og skuldbindingum til samfélagsins og framúrskarandi frammistöðu við gestaumsjón

    • Ráðinu er ætlað að fara fyrir hagsmunum gestgjafa hjá yfirstjórn Airbnb

    Halló öllsömul,

    Ég heiti Catherine, alþjóðlegur yfirgestgjafi Airbnb og færi nú aftur gestgjafafréttir. Ef þú vilt kynna þér eldri fréttir getur þú fundið þær hér.

    Í dag er mér ánægja að kynna meðlimi ráðgjafaráðs gestgjafa okkar. Við höfum unnið að því að endurbyggja rekstur okkar í kringum gestgjafa og því viljum við að samstarf okkar við gestgjafa sé kjarninn.

    Ráðgjafaráð gestgjafa okkar var sett saman til að gefa gestgjöfum rödd við mótun framtíðar samfélagsins okkar. Meðlimirnir 18 koma frá 15 löndum í sex heimsálfum og við völdum fjölbreyttan hóp áreiðanlegra og framúrskarandi gestgjafa sem munu standa vörð um hagsmuni alþjóðasamfélags gestgjafa við skipulag og ákvarðanatöku hjá Airbnb árið 2021.

    Í myndskeiðinu hér að ofan kynnum við meðlimi ráðsins til að sýna hvað í þeim býr og hvað drífur þá áfram að lokinni kynningu frá mér.

    Hvernig völduð þið ráðgjafaráð gestgjafa?
    Ráðið var valið úr fjölbreyttum hópi gestgjafa í þjónustu okkar fyrir samfélagsleiðtoga sem allir hafa lagt mikið til samfélagsins og verið virkir í félagsmiðstöðinni.

    Valinn hópur ráðgjafa gestgjafa innan fyrirtækisins, þar á meðal allir þrír stofnendurnir, meðlimir samfélagsteymisins og ég, völdu upphafsmeðlimi ráðsins. Okkur var ánægja að fara yfir notendalýsingar hundruð gestgjafa um allan heim með áherslu á fjölbreytni varðandi staðsetningu, kynþátt, þjóðerni, kyn, tegund skráningar o.fl.

    Getið þið sagt mér meira um viðmiðin fyrir vali í ráðið?
    Við völdum fyrstu 18 meðlimi ráðsins út frá fjórum mikilvægum þáttum:

    • Áhuga á gestaumsjón og samfélaginu í kring. Gestaumsjón er meðlimunum í blóð borin.
    • Fólkið hefur gefið verulega mikið af sér til gistisamfélagsins. Þetta eru leiðtogar sem kalla saman gestgjafa og halda hópfundi, ráðleggja nýjum gestgjöfum eða berjast fyrir réttindum gestgjafa á staðnum.
    • Fólkið býður gestum framúrskarandi upplifun. Þessir samfélagsmeðlimir hafa tekið á móti meira en 15.000 gestum samtals og hafa 93 ára reynslu af gestaumsjón í heildina með meðaleinkunn upp á 4,9 stjörnur. Þessir gestgjafar setja gesti sjálfkrafa í fyrsta sæti og bjóða þeim eftirminnilega gistingu.
    • Fólkið hefur sýnt að það brennur fyrir betri framtíð fyrir alla gestgjafa. Gestgjafarnir skilja sannarlega hve mikils virði traust gistisamfélag er. Það er ekki bara persónulegur árangur sem drífur þau áfram heldur árangur samfélagsins í heild.

    Hvaða áhrif getur ráðgjafaráð gestgjafa haft?
    Ráðgjafaráð gestgjafa mun hjálpa til við mótun á reglum samfélagsins sem og nýjum þjónustuliðum og eiginleikum ásamt verkfærum sem gera gestgjöfum kleift að ná árangri. Ráðið mun einnig koma að mótun stefnu gestgjafasjóðs Airbnb hvað varðar fjárfestingar í samfélaginu.

    Ráðið mun funda með yfirmönnum Airbnb í hverjum mánuði svo að rödd gistisamfélagsins og hugmyndir gestgjafa heyrist.

    Við hverju má ég búast af ráðgjafaráði gestgjafa og hvar finn ég fréttir?
    Ráðgjafaráð gestgjafa mun koma saman að minnsta kosti einu sinni í mánuði frá og með janúar 2021. Meðlimir munu veita upplýsingar eftir hvern fund varðandi helstu stefnur og málefni til að tryggja að gistisamfélagið sé upplýst um framvindu mála og ákvarðanir.

    Þú getur búist við mánaðarlegum fréttum í fréttabréfi gestgjafa ásamt möguleikanum á að veita athugasemdir með reglulegu millibili og taka þátt í umræðum í félagsmiðstöðinni. Skráðu þig í áskrift að fréttabréfi gestgjafa, hafir þú ekki gert það nú þegar, með því að óska eftir tölvupóstum undir innsæi og ábendingar.

    Hve lengi munu meðlimir ráðgjafaráðs gestgjafa sitja?
    Þessir 18 gestgjafar munu sitja í ráðgjafaráði gestgjafa til eins árs. Við erum þegar byrjuð á góðri umræðu um valferlið fyrir næstu ár og okkur þætti vænt um að heyra hvað þið hafið að segja.

    Hvernig deili ég hugmyndum mínum með ráðgjafaráði gestgjafa?
    Ráðgjafaráð gestgjafa vinnur að því að finna bestu leiðina fyrir gestgjafasamfélagið til að deila hugmyndum sínum og athugasemdum.

    Þangað til við hefjum þetta ferli formlega er hægt að taka þátt í umræðum í félagsmiðstöðinni þar sem nýju meðlimir ráðsins munu ganga til liðs við mig og samfélagsstjóra okkar til að svara spurningum gestgjafa og fjalla um mikilvæg málefni. Haldið endilega áfram að skrifa og birta færslur og þið getið alltaf merkt mig beint: @Catherine-Powell.

    Frekari upplýsingar um núverandi meðlimi ráðgjafaráðs gestgjafa

    Upplýsingarnar í þessari grein gætu hafa breyst frá birtingu.

    Aðalatriði

    • Meðlimir ráðgjafaráðs gestgjafa endurspegla fjölbreyttan hóp gestgjafa

    • Meðlimirnir eru valdir með hliðsjón af áhuga þeirra á gestgjafahlutverkinu, framlagi og skuldbindingum til samfélagsins og framúrskarandi frammistöðu við gestaumsjón

    • Ráðinu er ætlað að fara fyrir hagsmunum gestgjafa hjá yfirstjórn Airbnb

    Catherine Powell
    16. des. 2020
    Kom þetta að gagni?