Stökkva beint að efni
    Haltu áfram til að sjá tillögur að niðurstöðum

    Láttu öllum gestum líða vel

    Öðlastu skilning á mismunun og lærðu aðferðir til að tækla ómeðvitaða hlutdrægni.
    Höf: Airbnb, 20. nóv. 2019
    11 mín. lestur
    Síðast uppfært 20. nóv. 2019

    Aðalatriði

    • Hlutdrægni er að mestu leyti í undirmeðvitundinni

    • Notaðu hlutlæg viðmið til að meta hugsanlega gesti, t.d. fjölda umsagna við notandalýsingu

    • Hugsaðu um ástæðu þess að þú ert að hafna gesti. Viltu útskýra ástæðu þess augliti til auglitis?

    • Taktu á móti gestum frá mismunandi samfélagsstéttum og segðu frá því í notandalýsingunni þinni

    Airbnb er þeirrar skoðunar að ferðalög geti styrkt tengsl og gert heiminn opnari öllum. Mismunun er mjög raunverulegt hindrun á þessari tengingu og því er svo mikilvægt að takast á við hana og vinna að heimi þar sem allir geta alls staðar átt heima.

    Til að hjálpa gestgjöfum og gestum að skilja mismunun og hvernig hlutdrægni veldur henni vann Airbnb með framúrskarandi samfélagssálfræðingunum dr. Robert W. Livingston frá Harvard-háskóla og dr. Peter Glick frá Lawrence-háskóla. Leiðbeiningarnar og bestu starfsvenjur í þessari grein eiga rætur að rekja til rannsókna þeirra og þekkingar.

    Hlutdrægni eða mismunun: Hver er munurinn?

    „Hlutdrægni“ vísar til tilfinninga eða ályktana um einstakling byggt á eiginleikum eins og þjóðernisuppruna, kynhneigð, líkamlegum eiginleikum eða samfélagshópi. „Mismunun“ er þegar þú hagar þér öðruvísi gagnvart einhverjum vegna hópsins sem viðkomandi tilheyrir. Hlutdrægni leiðir ekki alltaf til mismununar, en það er yfirleitt þar sem mismunun hefst.

    Hvað er óbein hlutdrægni?

    Hlutdrægni er að mestu leyti til staðar í undirmeðvitundinni og er oft kölluð „óbein hlutdrægni“. Óbein hlutdrægni getur haft áhrif á það hvernig við komum fram við fólk og valdið mismunun; stundum án þess að við áttum okkur á því.

    Kynjamiðun og hlutdrægni varðandi hinsegin fólk

    Kynjahlutverk eru rótgróin í samfélaginu og hvort sem við erum meðvitað um það eða ekki nota flestir þau til að ákvarða hvernig við teljum að fólk eigi að haga sér. Kynbundnar staðalímyndir hafa veruleg áhrif á hinsegin fólk (lesbíur, homma, tvíkynhneigða og trans fólk) vegna þess að sjálfsömun þeirra skarast á við samfélagsviðmið.

    Það skiptir ekki máli hvaða skoðun þú hefur á kynjamálum og málefnum hinsegin fólks, mikilvægt er að hafa í huga að gestrisni í garð annarra er ekki háð því að þú þurfir að tileinka þér skoðanir þeirra eða lífsstíl.

    Hlutverk staðalímynda

    Ein af birtingarmyndum hlutdrægni er með notkun staðalímynda. Staðalímynd er almennt notuð en of einfölduð eða of ýkt mynd eða hugmynd um tiltekna manngerð. Allir nota staðalímyndir upp að ákveðnu marki, stundum meðvitað, stundum ómeðvitað. Ef hópar fólks eru flokkaðir eftir staðalímynd getur það oft leitt til mismunandi hegðunar, allt frá óviljandi móðgun til mikils ranglætis.

    Það sem þú getur gert

    Mismunun brýtur gegn grunngildum Airbnb og er bönnuð á verkvangi okkar. Sem betur fer er hægt að hafa stjórn á henni og forðast hana, jafnvel þegar hún á upptök sín í óbeinni hlutdrægni. Hér eru nokkur skref sem allir gestgjafar geta fylgt til að skapa samkennd í samfélagi okkar:

        • Láttu í þér heyra. Bættu skilaboðum við notandalýsinguna þína þar sem þú býður gesti velkomna úr öllum samfélagsstéttum. Þetta gefur gestum ekki aðeins merki um að þeir séu velkomnir heldur getur það einnig hvatt aðra gestgjafa til að tileinka sér gildi fjölbreytileika og samkenndar.
        • Notaðu sömu viðmið fyrir alla. Búðu til hlutlæg viðmið sem þú notar til að meta alla mögulega gesti, alltaf. Þetta gæti verið fjöldi umsagna þeirra eða hve margir gestir eru í hóp þeirra. Ef viðmið þín fara eftir aðstæðum gæti hlutdrægni haft áhrif á ákvarðanatöku þína.
        • Taktu aðgætnar ákvarðanir. Áður en þú samþykkir eða hafnar gesti skaltu komast að ástæðu þess að þú tekur ákvörðunina og skora á þig að útskýra hana vandlega. Spurðu þig hvort þér þætti þægilegt að segja gestinum augliti til auglitis ástæðuna fyrir því að viðkomandi var hafnað.
        • Æfðu þig í að sýna hluttekningu. Þetta kann að hljóma augljóst en hluttekning skiptir miklu máli. Ímyndaðu þér að þú sért í annars sporum og reyndu að skilja hvernig viðkomandi líður. Hugsaðu um sársaukann, óþægindin og niðurlæginguna sem öðruvísi fólk getur orðið fyrir þegar það getur ekki bókað eign af þeirri ástæðu einni að það er öðruvísi.
        • Vendu þig af notkun staðalímynda. Ein af fáeinum sannanlegum leiðum til að snúa við óbeinni hlutdrægni er að leita upplifana og upplýsinga sem brjóta gegn staðalímyndum. Farðu úr þægindasvæðinu og hittu fjölbreytilegt fólk. Taktu á móti gestum á Airbnb frá mismunandi samfélagsstéttum. Jákvæð samskipti og félagsleg samskipti geta dregið úr hlutdrægni.

        Bjóddu alla gesti velkomna

        Íhugaðu að skrá í notandalýsingunni þinni að þú bjóðir gesti velkomna úr öllum samfélagsstéttum.
        Uppfæra notandalýsinguna

        Aðalatriði

        • Hlutdrægni er að mestu leyti í undirmeðvitundinni

        • Notaðu hlutlæg viðmið til að meta hugsanlega gesti, t.d. fjölda umsagna við notandalýsingu

        • Hugsaðu um ástæðu þess að þú ert að hafna gesti. Viltu útskýra ástæðu þess augliti til auglitis?

        • Taktu á móti gestum frá mismunandi samfélagsstéttum og segðu frá því í notandalýsingunni þinni

        Airbnb
        20. nóv. 2019
        Kom þetta að gagni?