Stökkva beint að efni
    Haltu áfram til að sjá tillögur að niðurstöðum
    Leiðbeiningar fyrir byrjendur við skrif á skráningarlýsingu

    Leiðbeiningar fyrir byrjendur við skrif á skráningarlýsingu

    Heiðarleg og ítarleg skráningarlýsing hjálpar gestum að sjá sig fyrir sér í eigninni þinni.
    Höf: Airbnb, 20. nóv. 2019
    8 mín. lestur

    Aðalatriði

    • Leggðu áherslu á það sem er einstakt við eignina þína

    • Notaðu fá orð og nefndu þægindin bara í þægindahlutanum

    • Hugsaðu um þarfir gesta þegar þú skrifar lýsinguna

    • Greindu heiðarlega frá eigninni til að stilla af réttu væntingarnar

    • Sýndu persónuleika þinn svo að gestir átti sig á því hvernig gestgjafi þú ert

    Frábær skráningarlýsing er eitt af bestu tólunum sem þú hefur til að fá bókanir og það er lykilatriði að upplýsingarnar stilli væntingar gesta rétt af til að fá jákvæðar umsagnir. Svona gerir þú gistingu í eigninni þinni spennandi fyrir gesti.

    Hvað einkennir frábær skráningu?

    Airbnb býður upp á milljónir eigna. Hugsaðu aðeins um það sem vekur áhuga og ber af við eignina þína til að segja frá því. Þetta gæti falist í því að leggja áherslu á staðsetninguna eða óvenjuleg þægindi á staðnum. „Við erum í 5 til 10 mínútna gönguferð frá nokkrum af bestu veitingastöðunum og brugghúsunum í Bend“ segja ofurgestgjafarnir Mike og Jill frá Bend, Oregon. „Það tekur 15 mínútur að hjóla, eða 5 mínútur að keyra, að rómuðu fjallahjólaslóðunum [okkar]“.

    Skrifaðu grípandi titil

    Titill skráningarinnar þinnar og fyrsta myndin sannfæra gesti um að smella á skráninguna þína. Því skiptir miklu máli að nýta sér þetta til að leggja áherslu á kosti eignarinnar. Hér eru nokkur dæmi um frábæra titla sem hafa verið notaðir fyrir skráningar:

    • „Gakktu niður á strönd frá einangruðu afdrepi“
    • „Íbúð með arni við torg gamla bæjarins“
    • „Útsýni yfir hafið og Golden gate-brúna“

    Segðu söguna af þinni eign

    Skráningin þín er þar sem þú markaðssetur eignina þína og góð frásögn er lykilatriði í frábærri markaðssetningu. Sagan sem þú segir er oft af upplifuninni sem þú býður gestum. Hjálpaðu gestum því að sjá sig sem hetjur í eigin ævintýri. Ertu með íbúð á efstu hæð með tré fyrir utan? „Þér mun líða eins og þú sért í trjáhúsi!“ Látlaust herbergi í miðborg getur verið „fullkomin miðstöð til að skoða borgina“. Leitaðu einnig innblásturs í ráðleggingum ofurgestgjafanna Tereasa og David um hvernig sé best að segja söguna sína.

    Ofurgestgjafarnir Tereasa og David gefa ráð um hvernig má beisla mátt frásagna.

    Hugsaðu eins og ferðamaður

    Þú þarft ekki að vera frábær rithöfundur til að semja aðlaðandi lýsingu en þú þarft að skrifa stuttan og spennandi texta. Byrjaðu á að hugsa eins og ferðamaður: deildu ómissandi upplýsingum fremst í lýsingunni og leggðu áherslu á sölupunktana.

    Ef þér dettur ekki í hug góð byrjun getur þú prófað að setjast með vini þínum og lýsa því upphátt hvernig það er að dvelja í eigninni þinni. Bestu atriðin koma oft fram um leið eins og þú talar um þau.

    Sýndu tillitssemi og greindu skýrt frá

    „Alveg við ströndina með stórfenglegu sjávarútsýni í hverju herbergi“ eru fyrstu orðin í lýsingu gestgjafans Matthew á eign sem hann er með á skrá í Níkaragva.

    Í skráningu Olgu fyrir eign í Mammoth Lakes, Kaliforníu, leggur hún áherslu á þægilegt bílastæði þar sem hún veit að fenginni reynslu hve miklu máli það skiptir fólk að geta auðveldlega tekið skíðabúnaðinn sinn inn. Hún bendir einnig á að hún er með viðararinn á heimilinu af því að hún veit að skíðafólk elskar að slappa af fyrir framan eldinn að loknum degi í brekkunum.

    Notaðu fá orð

    Fólk rennir oft yfir skráningarlýsingar til að finna eiginleikana sem það vill frekar en að lesa þær vandlega. Texti á vefnum þarf að vera þannig skrifaður að auðvelt sé að renna yfir hann svo að ekki skrifa of mikið. Taktu fram það sem er ekki nefnt annars staðar á skráningarsíðunni og notaðu gátlista fyrir þægindi til að segja frá öllum eiginleikum sem þú hefur upp á að bjóða eins og þráðlausu neti, bílastæði og loftræstingu. Þá birtist skráningin þín þegar gestir sía eftir þessum þægindunum.

    Sýndu heiðarleika og hreinskilni

    Þótt þú viljir mögulega sýna hve fágæt eignin þín er skaltu ekki lofa of miklu eða ýkja. Mögulegir gestir geta ákveðið strax hvort eignin henti þeim þegar einstakir kostir og gallar koma skýrt fram og það skiptir sköpum fyrir jákvæðar umsagnir að væntingarnar samræmist raunveruleikanum.

    Það skiptir sérstaklega miklu máli að leggja áherslu sem gætu valdið sumum gestum erfiðleikum. Þarf til dæmis að ganga upp stiga til að komast í eignina þína? Er lágt handrið á svölunum sem gæti verið hættulegt litlum börnum? Hlutar fyrir „annað til að hafa í huga“ og „eignina“ eru góðir staðir fyrir slíkar ítarupplýsingar.

    Sýndu persónuleika þinn

    Býður þú sérherbergi á heimili þar sem þú hefur mikil samskipti við gesti? Gestir vilja vita með hverjum þeir deila plássi svo að persónuleiki þinn og stíll skipta jafn miklu máli og lýsingin á eigninni sjálfri. Sýndu því hver þú ert í raun og veru!

    Fáðu sem mest út úr myndatextum

    Ljósmyndir skipta einna mestu máli þegar gestir ákveða hvort þeir bóki eignina þína og myndatexti er góð leið til að tengja myndirnar við upplifun gesta. Ef þú hefur ekki réttu orðin til að skrifa myndatexta getur þú hugsað um hvað það er sem næst mögulega ekki á myndinni.

    Þegar þú sýnir rúm skaltu segja gestum stærðina á því og hvernig dýna er í því ef við á. Ertu með ljósmynd af notalegum gluggakróki? Þú gætir nefnt að þetta sé fullkominn staður til að koma sér fyrir með bók við sólsetur.

    Leitaðu þér innblásturs í öðrum skráningum

    Lestu vandlega skráningarlýsingar fyrir áhugaverðar eignir til að sækja þér innblástur og skoðaðu umsagnir um aðra gestgjafa til að átta þig á því hvaða upplifanir og smáatriði gestir kunna að meta. Skráningin þín verður líflegri ef þú leitar leiða til að vekja ánægju og það gildir sama hvernig eign þú ert með.

    Aðalatriði

    • Leggðu áherslu á það sem er einstakt við eignina þína

    • Notaðu fá orð og nefndu þægindin bara í þægindahlutanum

    • Hugsaðu um þarfir gesta þegar þú skrifar lýsinguna

    • Greindu heiðarlega frá eigninni til að stilla af réttu væntingarnar

    • Sýndu persónuleika þinn svo að gestir átti sig á því hvernig gestgjafi þú ert

    Airbnb
    20. nóv. 2019
    Kom þetta að gagni?