Stökkva beint að efni
    Haltu áfram til að sjá tillögur að niðurstöðum
    Úrræði gegn kynþáttafordómum fyrir samfélag Airbnb

    Úrræði gegn kynþáttafordómum fyrir samfélag Airbnb

    Hér eru nokkrar leiðir til að verða betri styðjandi.
    Höf: Airbnb, 1. jún. 2020
    2 mín. lestur
    Síðast uppfært 4. jún. 2020

    Fólk upplifir hatur og mismunun um allan heim en vegna sorglegra aðstæðna við fráfall George Floyd, Breonna Taylor, Ahmaud Arbery og ótal annarra hafa undanfarnar vikur verið svörtu fólki í Bandaríkjunum, þ.m.t. gestgjöfum og gestum, sérstaklega erfiðar. Við sendum tölvupóstinn hér á eftir til samfélags okkar í Bandaríkjunum og með honum fylgdi handbókin Aðgerðastefna og samstaða til að styðja við hreyfingu Black Lives Matter.

    * * *

    Viðfangsefni: Úrræði gegn kynþáttafordómum fyrir samfélag Airbnb

    Halló,

    Nú þegar við tökumst á við sorgina vegna fráfalls George Floyd, Breonna Taylor, Ahmaud Arbery og ótal annarra vildum við senda ykkur bein skilaboð. Við viljum að gestgjafar og gestir sem eru sárir, reiðir og hræddir viti að Airbnb stendur með ykkur.

    Mismunun er mesta ógn samfélags sem byggir á samkennd og gagnkvæmu samþykki. Mismunun sker inn að beini þess sem við erum og þess sem við trúum á. Airbnb stendur með Black Lives Matter og við höfnum kynþáttafordómum, umburðarleysi og hatri.

    Ekki er hægt að ræða um nýlega atburði án þess að viðurkenna þann sársaukafulla sannleik að sumir gestgjafar og gestir verða enn fyrir mismunun. Það er algjör andstæða markmiðs okkar um að skapa samkennd. Árið 2016 komum við hjá Airbnb upp stefnu gegn mismunun og gerðum samfélagssáttmála en meira en 1,3 milljón manns sem höfnuðu þeirri skuldbindingu hafa misst aðgang sinn að verkvangi okkar. Við eigum enn verk fyrir höndum og við bregðumst áfram við skuldbindingum okkar í baráttunni gegn mismunun.

    Eitt af því sem við gerum til þess er að styrkja NAACP og stofnun Black Lives Matter um samtals 500.000 Bandaríkjadali til að styðja við baráttu þeirra fyrir jafnrétti og réttlæti auk þess að við jöfnum styrki starfsfólks okkar til beggja málstaðanna. Annað sem við gerum er að deila handbókinni Aðgerðastefna og samstaða sem úrræðahópur okkar fyrir svart starfsfólk, Black@Airbnb, útbjó fyrir teymin okkar. Þar er vísað til verka aðgerðasinna og sérfræðinga í baráttunni gegn kynþáttafordómum. Við töldum það koma að gagni að deila þessum úrræðum með ykkur um leið og við vinnum öll saman að því að verða betri og virkari styðjendur.

    Farið vel með ykkur og gætið öryggis.

    Við stöndum með ykkur.

    Starfsfólk Airbnb

    Airbnb
    1. jún. 2020
    Kom þetta að gagni?