Stökkva beint að efni
    Haltu áfram til að sjá tillögur að niðurstöðum
    Svör fyrir ferðamenn varðandi COVID-19

    Svör fyrir ferðamenn varðandi COVID-19

    Hvernig við styðjum við ykkur með afbókunarleiðum okkar og nýrri þjónustu.
    Höf: Airbnb, 10. mar. 2020
    7 mín. lestur
    Síðast uppfært 25. nóv. 2020

    Við vitum að það er mikil óvissa varðandi COVID-19 og hvort sjúkdómurinn hafi áhrif á ferðaáætlanir. Til að styðja við ferðalanga fylgjumst við með spurningum ykkar og svörum nokkrum þeirra hér. Við uppfærum þessa síðu áfram eftir því sem ástandið breytist og fleiri svör berast.

    Ég þarf að afbóka ferð. Hvaða valkosti hef ég?
    Gestir sem bókuðu 14. mars 2020 eða fyrr og geta ekki ferðast vegna COVID-19 eiga mögulega rétt á afbókun án endurgjalds. Frekari upplýsingar um reglur okkar um gildar málsbætur

    Frekari upplýsingar um núverandi afbókunarleiðir er að finna í hlutanum ferðir á vefsíðu Airbnb eða í appinu. Ef ferðalög raskast frekar gætu þessar leiðir breyst.

    Ef þú þarft að breyta áætlunum þínum skaltu afbóka með eins miklum fyrirvara og mögulegt er svo að gestgjafi þinn hafi tækifæri á að fá aðra bókun.

    Athugaðu hins vegar að gestum sem bóka eftir 14. mars verður ekki endurgreitt samkvæmt reglum um gildar málsbætur ef þeir afbóka vegna COVID-19 nema þeir séu veikir.

      Ég bókaði nýlega ferð á Airbnb og COVID-19 hefur áhrif á áætlanir mínar. Get ég afbókað?
      Gestir sem bóka eftir 14. mars fá ekki endurgreitt samkvæmt reglum um gildar málsbætur ef þeir afbóka vegna COVID-19 nema þeir séu veikir. Gakktu því úr skugga um að afbókunarregla gestgjafans veiti nægan sveigjanleika. Frekari upplýsingar um afbókunarleiðir er að finna í hlutanum ferðir á vefsíðu Airbnb eða í appinu.

        Mig langar að bóka ferð en er ekki viss um hvort ástandið varðandi COVID-19 muni breytast frekar. Hvað ætti ég að gera?
        Skiljanlega gætir þú verið óviss í augnablikinu um að bóka ferð fram í tímann. Við hvetjum alla gesti eindregið til að kynna sér alltaf vandlega afbókunarreglu sem gildir um bókanir þeirra. Gestir sem bóka eftir 14. mars fá ekki endurgreiðslu samkvæmt reglum um gildar málsbætur ef þeir afbóka vegna COVID-19 nema þeir séu veikir.

        Til að minnka óvissuna mælum við með því að finna eign með sveigjanlegri afbókunarreglu. Við höfum því bætt við leitarsíu svo að auðveldara sé að finna og bóka slíka eign.

        Hvernig get ég fundið gistingu með sveigjanlegum afbókunarreglum?
        Gestgjafi ákvarðar afbókunarreglur sínar og þær geta verið mismunandi (sveigjanleg, hófleg eða ströng). Nánari upplýsingar um afbókunarreglu gistingar er að finna á aðalsíðu hverrar skráningar. Við höfum bætt við nýrri síu til að auðvelda leitina að gistingu með sveigjanlega afbókunarreglu. Frekari upplýsingar um nýju síuna

        Hvaða reglur eiga við um gildar málsbætur?
        Reglur Airbnb umgildar málsbætur gefa gestum og gestgjöfum kost á að afbóka að kostnaðarlausu vegna áhrifa af alvarlegum meiðslum eða veikindum, náttúruhamförum, ferðatakmörkunum eða öðrum ófyrirsjáanlegum atburðum. Í samræmi við yfirlýsingu Alþjóðaheilbrigðisstofnunarinnar (WHO) um að COVID-19 sé heimsfaraldur gætu gestir átt rétt á fullri endurgreiðslu eða ferðainneign ef ferðalög þeirra hafa orðið fyrir áhrifum vegna COVID-19. Afbókunarleiðir í boði fyrir bókun þína er að finna í hlutanum ferðir á vefsíðu Airbnb eða í appinu.

        Ég bókaði nýlega ferð á Airbnb og get ekki ákveðið hvort ég ætti enn að fara í ferðina. Ætti ég að fara?
        Staðbundnar ferðaráðleggingar hafa verið gefnar út víða vegna gistingar (þar á meðal vegna skammtímagistingar). Við mælum með því að skoða hlutann ferðatakmarkanir og -ráðleggingar í hjálparmiðstöðinni til að komast að því hvort dvöl þín verði fyrir áhrifum. Frekari upplýsingar um hvernig við styðjum samfélagið okkar við þessar aðstæður er að finna undir fréttum af COVID-19 í úrræðamiðstöðinni.

        Ég vil bóka staðbundna upplifun á Airbnb. Hvað þarf ég að vita?
        Við höfum opnað aftur fyrir staðbundnar upplifanir í löndum þar sem það er heimilt og við kynntum nýjar heilsu- og öryggisreglur þar sem farið er fram á að gestgjafar og gestir noti andlitshlífar og gæti nándarmarka. Við þurfum mögulega að gera hlé á upplifunum vegna opinberra takmarkana innanlands eftir að þær opna aftur og við látum þá vita af því. Þú færð afsláttarkóða upp á USD 25 til að taka þátt í upplifun síðar hafir þú bókað upplifun í landi þar sem gert var hlé á upplifunum.Frekari upplýsingar um enduropnun

        Ef þú vilt aðeins fara í upplifun með hópnum þínum skaltu íhuga einkabókun.

        Skoðaðu netupplifanir okkar ef ekki er búið að opna aftur fyrir upplifanir á þínum markaði. Hvort sem þú vilt læra nýja kúnst, gera eitthvað skemmtilegt með vinum eða stunda hópefli með vinnufélögunum getur þú nú gert það á öruggan hátt heima hjá þér. Úrval netupplifana er þegar orðið mjög fjölbreytt frá því að læra leyndardóma eldamennskunnar með marokkóskri fjölskyldu til þess að iðka hugleiðslu með búddamunki.

        Nýjar fréttir berast af COVID-19 á hverjum degi. Hvernig get ég best fylgst með fréttum?
        Við uppfærum Airbnb.is/COVID daglega og það er góður upphafspunktur fyrir fréttir og leiðbeiningar. Við mælum með því að fylgja leiðbeiningum frá stjórnvöldum og heilbrigðisyfirvöldum varðandi allt sem tengist ferð þinni eða svæði.

        Verða gestir að fylgja öryggisreglum Airbnb varðandi COVID-19?
        Það er mikilvægt með heimsfaraldurinn geisandi að við gerum okkar besta til að hægja á dreifingu COVID-19. Með þetta í huga höfum við kynnt skyldubundnar öryggisreglur sem allir í samfélagi Airbnb verða að fylgja, en þær byggja á leiðbeiningum heilbrigðissérfræðinga eins og hjá Sóttvarnarstofnun Bandaríkjanna. Gestir og gestgjafar verða samkvæmt öryggisreglunum að samþykkja að nota grímu eða andlitshlíf í persónulegum samskiptum og virða alltaf 2ja metra (6 feta) regluna sín á milli.

        Gestgjafi var að fella bókun mína niður. Hvað gerist núna?
        Við vitum að afbókanir geta verið óþægilegar, jafnvel þegar ástæður afbókunarinnar eru skiljanlegar. Hafðu í huga að margir gestgjafar sem afbóka gætu hafa orðið fyrir áhrifum af COVID-19 eða verið að vernda velferð alls samfélagsins með gjörðum sínum. Skoðaðu frekari upplýsingar um ábyrg ferðalög í þessari grein í hjálparmiðstöðinni.

        Þú gætir átt rétt á fullri endurgreiðslu ef gestgjafinn afbókar. Frekari upplýsingar um endurgreiðsluna er að finna í hlutanum ferðir á vefsíðu Airbnb eða í appinu.

        Ef þú þarft enn að ferðast vonum við að þú bókir aftur á Airbnb og við óskum þér öruggrar ferðar.

        Hvað ætti ég að gera ef mér þykir óþægilegt að gista hjá gestgjafa?
        Við hjá Airbnb höfum einsett okkur að stuðla að velferð og samkennd í samfélagi okkar og við þessar erfiðu aðstæður skiptir það meira máli en nokkru sinni fyrr. Mundu að Airbnb er með reglur gegn mismunun áður en þú afbókar. Mundu að koma fram við hvern gestgjafa af samkennd og virðingu sem þýðir að þú notir sömu viðmið fyrir allar bókanir og eins þegar þú tekur ákvörðun um afbókun. Við höfum tekið saman ýmsar leiðbeiningar og spurningar sem þú getur lagt fyrir til að fá nauðsynlegar upplýsingar.

        Ég get ekki fengið endurgreitt samkvæmt afbókunarreglu gestgjafa míns. Af hverju?
        Airbnb er samfélag gesta og gestgjafa sem ná saman í gegnum verkvanginn. Gestgjafar ákveða verðið hjá sér, sértækar reglur fyrir fasteign sína og afbókunarreglu. Í mörgum tilvikum treysta gestgjafar á tekjur sínar af Airbnb til að ná endum saman og því getur þeim reynst erfitt að veita undanþágur frá reglum sínum.

        Ég bókaði gistiaðstöðu á Airbnb vegna viðburðar sem var aflýst. Get ég afbókað?
        Við vitum að margir ferðalangar bóka gistingu á Airbnb fyrir viðburði eins og Coachella, SXSW, Mobile World Congress og síðan mætti áfram telja. Ef þú ætlaðir á viðburð sem var aflýst og bókunin þín fellur ekki undir reglur okkar um gildar málsbætur skaltu skoða afbókunarregluna fyrir bókunina þína. Þú getur einnig haft samband beint við gestgjafann þinn. Við höfum kynnt tól svo að gestgjafar geti endurgreitt bókanir sem falla ekki undir reglur okkar um gildar málsbætur.

        Ég bókaði eign í Airbnb Luxe innan áhrifasvæðis. Nýt ég góðs af reglum um gildar málsbætur?
        Reglur okkar um gildar málsbætur eiga ekki við um bókanir hjá Airbnb Luxe eða Luxury Retreats sem falla undir sérstakar reglur Luxe um endurgreiðslu til gesta.

        Ég þarfnast aðstoðar. Hvar get ég fundið úrræði á Netinu?
        Við vitum hvað það getur verið pirrandi að fá ekki svar strax. Við viljum hjálpa þér að fá þá aðstoð og upplýsingar sem þú þarft. Þess vegna opnuðum við Airbnb.com/COVID auk þess að við svörum áfram símtölum ykkar, netspjalli og tölvupósti eins fljótt og auðið er.

        Mörg algeng vandamál er hægt að leysa á Netinu. Þú getur einnig fundið fleiri svör í hjálparmiðstöðinni okkar.

        Get ég nálgast frekari úrræði sem ég get fylgst með á ferðalögum?
        Til að hægja á dreifingu COVID-19 getur þú sótt öpp fyrir tilkynningar um útsetningar í símann þinn. Þessi forrit frá þriðja aðila, sem eru þróuð af lýðheilsuyfirvöldum um allan heim notast við tækni frá Google og Apple, láta þig vita ef þú hefur komist í náið samband við einhvern sem hefur reynst smitaður af COVID-19. Nálgastu frekari upplýsingar um tilkynningar um útsetningar, friðhelgisvenjur þeirra og hvernig megi fá tilkynningar.

        Ég er enn með spurningar. Við hvern ætti ég að hafa samband?
        Vegna víðtækra áhrifa af COVID-19 á alþjóðleg ferðalög berast þjónustuveri okkar gríðarlega mörg símtöl og skilaboð sem stendur. Ef aðstæður þínar krefjast aðstoðar þjónustufulltrúa kynnum við að meta hjálp þína við að forgangsraða brýnustu málunum. Ef bókun þín hefst eftir meira en 72 klukkustundir skaltu hafa samband við okkur þegar styttist í innritun.

        Við höfum smíðað verkfæri fyrir sjálfsafgreiðslu til að auðvelda fólki að leysa úr vandamálum á eigin spýtur og þú getur nýtt þér þau í millitíðinni. Opnaðu Airbnb.is/COVID eða hjálparmiðstöðina fyrir frekari úrræði og upplýsingar.

        Við vitum hversu raskandi áhrif COVID-19 hefur haft á ferðamenn og við erum ykkur innan handar. Takk fyrir að vinna með okkur til að tryggja öryggi og hollustu samfélagsins okkar.

        Upplýsingarnar í þessari grein gætu hafa breyst frá birtingu.

        Airbnb
        10. mar. 2020
        Kom þetta að gagni?