Stökkva beint að efni
    Haltu áfram til að sjá tillögur að niðurstöðum
    Svör við helstu spurningum um nýju ræstingarreglurnar
    Þetta efni er ekki til á þínu tungumáli. Hér er það því á líkasta tungumálinu.

    Svör við helstu spurningum um nýju ræstingarreglurnar

    Þetta þarftu að vita um sérfræðileiðbeiningarnar fyrir ræstingar.
    Höf: Airbnb, 24. apr. 2020
    6 mín. lestur
    Síðast uppfært 11. jún. 2020

    Aðalatriði

    • Nú bjóðast ræstingarreglur studdar af sérfræðingum með leiðbeiningum um hvert skref

    • Skráningar gestgjafa sem lofa að fylgja nýju viðmiðunarreglunum verða sýndar sérstaklega

    • Við bjóðum gestgjöfum sem geta ekki samþykkt reglurnar að velja um að hafa 72 klst. bókunarbil milli gesta

    Gestir hugsa nú meira en nokkru sinni áður um hreinlæti, allt frá því hvaða hreinlætisvörur eru notaðar og hvaða viðbótarráðstafana hefur verið gripið til. Þeir vilja vita hvernig þú gætir öryggis þeirra. Gestirnir eru ekki einir um það. Opinberir embættismenn og stefnumótendur leggja meiri áherslu en nokkru sinni fyrr á ræstingarferli til að vernda samfélagsmeðlimi sína þegar fyrirtæki opna á ný og ferðalög hefjast aftur.

    Það er engin furða hve mörg ykkar hafi beðið um meiri leiðbeiningar um hvernig á að þrífa og hreinsa fasteignir ykkar. Þetta mál kom upp einna oftast í nýlegri fundaröð þar sem við hlustuðum á gestgjafa um allan heim og ábendingar varðandi hreinsun eru enn vinsælt viðfangsefni umræða í félagsmiðstöðinni og hér í úrræðamiðstöðinni okkar.

    Við erum því spennt að segja frá nýjum ítarlegri ræstingarreglum sem við erum að kynna en þær munu hjálpa gestgjöfum að ná árangri við þrif svo lengi sem COVID-19 stendur yfir og í framhaldinu. Við sömdum nýju ræstingarreglurnar undir leiðsögn læknisins Vivek Murthy, sem var landlæknir Bandaríkjanna, og undir leiðsögn samtaka sem setja hreinlætisviðmið á sviðum gestrisni og hollustuhátta í læknisþjónustu. Reglurnar munu einnig taka mið af tilmælum Sóttvarnarstofnunar Bandaríkjanna (CDC).

    Við vitum að þið gætuð verið með spurningar um nýju þjónustuna og við höfum gert okkar besta til að svara þeim hér.

    Hvað þýða ræstingarreglurnar fyrir gestgjafa?
    Gestgjafar fá nýjar leiðbeiningar um hvern áfanga við þrif þar sem farið verður yfir ráðlagðar birgðir, hreinsunartækni, fyrirmæli fyrir hvert herbergi og fleira. Gestgjafar geta skuldbundið sig til að fylgja reglunum og látið gesti vita að þeir hafi samþykkt að fara að nýju leiðbeiningunum. Við vonumst til að minnka ágiskun við ræstingar til að hjálpa þér að vernda þig og gesti þína.

    Hvenær bjóðast reglurnar þar sem ég er?
    Við kynntum ítarlegri ræstingarreglurnar fyrir gestgjöfum í Bandaríkjunum í upphafi júní og stuttu síðar buðum við þær í öðrum löndum og á öðrum svæðum. Við viljum að þessi úrræði gagnist gestgjöfum um allan heim eins vel og mögulegt er svo að við munum vinna að því að aðlaga hluta viðmiðunarreglnanna og tilmælanna að sérþörfum á hverjum stað. Það mun taka einhvern tíma en vonandi verða þær fljótlega tilbúnar á flestum svæðum með gestgjafa.

    Hvar finn ég nýju upplýsingarnar?
    Þegar reglurnar bjóðast þar sem þú ert getur þú sótt ræstingarhandbók Airbnb. Upplýsingar um reglurnar, þar með talið yfirlit yfir fimm skrefa ræstingarferlið, listi yfir birgðir til að hafa tiltækar og stuttur leiðarvísir munu einnig standa gestgjöfum til boða í úrræðamiðstöðinni á Airbnb.com/cleaningresources.

    Hvernig mun Airbnb aðstoða mig við að kynna mér þessar nýju ræstingarleiðbeiningar?
    Við vitum að það eru miklar upplýsingar í handbókinni svo að við höfum gert samantekt fyrir hvert skref reglnanna fyrir nýja gestgjafa í þjónustunni. Við biðjum gestgjafa um að lesa alla samantektina og svara stuttum spurningalista til að sýna fram skilning á viðmiðunarreglunum. Það er í lagi að þú sért enn að læra ferlið. Þú getur alltaf gripið í ræstingarhandbókina þegar þú þarft.

    Ég svaraði spurningalistanum. Hvað nú?
    Gestgjöfum með gjaldgengar skráningar sem hafa svarað spurningalistanum býðst svo að lofa því að fara að reglunum. Þetta opnar fyrir sérstaka áherslu á skráninguna þína svo að gestir viti að þú hefur samþykkt að fylgja strangari viðmiðunarreglum um ræstingar.

    Hvernig vita gestir að ég hef skuldbundið mig til að fylgja nýju ræstingarreglunum?
    Skráningar gestgjafanna sem skuldbinda sig til að fylgja reglunum verða sýndar sérstaklega svo að gestir viti að þeir hafi samþykkt að fylgja strangari ferlum við þrif og hreinsun. Vita þarf af nokkrum atriðum varðandi áherslu á skráningar:

    • Gestgjafar sem vilja fá áhersluna þurfa að ljúka spurningalistanum og samþykkja hreinlætisloforðið
    • Ekki er hægt að gefa skráningum fyrir sérherbergi og sameiginleg herbergi áherslu að svo stöddu. En fylgstu með af því að við erum að vinna að leiðum til að upphefja gestgjafa sérherbergja og sameiginlegra herbergja sem hafa lofað því að standast ítarlegri ræstingarviðmið
    • Gestgjafar með minna en 4 stjörnur í meðaleinkunn fyrir hreinlæti geta skuldbundið sig til að fylgja reglunum en þeir fá ekki sérstaka áherslu á skráninguna sína nema þeir bæti sig (sem þýðir að fá að minnsta kosti þrjár nýjar umsagnir með 5 stjörnu einkunn fyrir hreinlæti)
    • Þegar þú hefur skuldbundið þig til að fylgja reglunum geta liðið nokkrir dagar áður en áherslan birtist á skráningarsíðunni þinni

    Hvernig staðfestir Airbnb að gestgjafar fylgi ræstingarreglunum?
    Gestgjafar sem vilja taka þátt þurfa að vottfesta að þeir fari að sérstökum leiðbeiningum sem koma fram í ræstingarreglunum. Umsagnarkerfi okkar eykur enn frekar jafnvægið. Ef gestgjafi fylgir ekki viðmiðunarreglunum getur gesturinn nefnt það í umsögn um eignina.

    Hvað ef gestur tilkynnir um gestgjafa sem hefur lofað að fylgja ræstingarreglunum en stenst ekki viðmiðin?
    Við teljum að hægt sé að leysa úr flestum vandamálum með betri fræðslu og stuðningi við gestgjafa. Gestgjafar sem brjóta endurtekið eða alvarlega í bága við ræstingarreglurnar geta hins vegar misst áhersluna á skráningunni sinni og orðið fyrir frekari afleiðingum.

    Þrifin munu kosta meira hjá mér ef ég lofa að fylgja ræstingarreglunum. Hvernig borga ég fyrir það?
    Sem gestgjafi getur þú bætt ræstingargjaldi við skráninguna þína og þú ræður algjörlega hvað þú tekur fyrir ræstingu. Þú getur bætt fyrir viðbótarkostnað af því að fylgja aðferðarlýsingunni með því að leggja ræstingagjald á, eða með því að breyta upphæð þess ef þú leggur það nú þegar á.

    Ég hef ráðið ræstitækni. Get ég samt tekið þátt?
    Já, að því tilskildu að þú hafir deilt úrræðunum með ræstitækninum og ræstitæknirinn hafi samþykkt að fylgja viðmiðunum. Þú þarft að samþykkja hvert skref fyrir hönd ræstitæknisins og taka ábyrgð á því að ræstitæknirinn fylgi reglunum.

    Ég er ekki viss um að ég geti skuldbundið mig til að fylgja ræstingarreglunum. Hvað annað get ég gert svo gestum líði betur í fasteigninni minni?
    Þótt við mælumst til þess að allir gestgjafar fylgi nýju viðmiðunum skiljum við að sum ykkar getið mögulega ekki lokið fylgt reglunum í einu og öllu. Það getur til dæmis stafað af því að nauðsynlegar hreingerningavörur fáist ekki, en þær eru sums staðar illfáanlegar.

    Þess vegna bjóðum við gestgjöfum annan valkost til að draga úr áhyggjum gesta. Við höfum útbúið nýtt verkfæri svo að það sé auðveldara að halda eigninni tómri um tíma milli dvala. Þegar verkfærið er virkjað setjum við sjálfkrafa inn 72 klst. bókunarbil að lokinni hverri dvöl. Þetta 72 tíma bókunarbil var hannað með sérfræðileiðsögn og því er ætlað að draga úr mögulegri áhættu af kórónaveirunni, en hún getur haldist lengi í lofti og á yfirborðum. Rétt eins og með ræstingarreglurnar geta gestir auðveldlega auðkennt gestgjafa með bókunarbil. Hafðu í huga að gestgjafar ættu að þrífa vandlega milli gesta jafnvel þótt þeir hafi 72 tíma bókunarbil.

    Ég vil virkja 72 bókunarbilið en ég er nú þegar með bókanir með styttri umsetningartíma. Hvað verður um þær?
    Við viljum ekki að nýja þjónustan hafi áhrif á fyrirliggjandi bókanir hjá þér. Ef þú ert með bókanir á gistingu á næstunni sem eru færri en 72 klst. á milli þarftu því að bíða með að taka þátt þar til að þeim loknum. Þú getur þó fylgt nýju leiðbeiningunum um ræstingar í millitíðinni og látið gesti vita af þeim viðbótarráðstöfunum sem þú grípur til.

    Þarf að hafa tiltekið bókunarbil ef ég lofa að fylgja reglunum?
    Athugaðu að með því að samþykkja reglurnar samþykkir þú að fara að landslögum. Þetta felur í sér að fylgja viðbótarleiðbeiningum um öryggi eða ræstingar frá viðkomandi ríkisstofnunum svo sem varðar biðtíma áður en farið er inn í fasteign. Ræstingarhandbókin mun innihalda leiðbeiningar um hve lengi á að bíða þar til farið inn í fasteign eftir því hvar hún er staðsett.

    Hvað ef gestgjafi skráir fasteign sína á öðrum verkvangi? Hvernig sjáið þið til þess að þessir gestgjafar standi við bókunarbil?
    Airbnb byggir á trausti og við gerum ráð fyrir því að gestgjafar sem taka þátt í verkefninu standi við skuldbindingar sínar og loforð. Við erum að uppfæra reglur okkar og framkvæmdarviðmið og gætum endað á því að innleiða kerfi til að fylgjast með heimilum í verkefninu sem eru einnig skráð annars staðar.

    Af hverju er verkefnið ekki opið gestgjöfum með sérherbergi og sameiginleg herbergi?
    Í nýja ræstingarverkefninu er farið fram á tiltekin nándarmörk. Í ljósi þess hve erfitt er að halda þeim í sameign uppfylla herbergi, hvorki einkaherbergi né sameiginleg herbergi, ekki kröfur til að sýna skráninguna sérstaklega og þessar skráningar geta ekki verið með í þjónustunni fyrir bókunarbil. Gestgjafar með sérherbergi munu áfram geta skoðað ræstingarreglurnar og hafa val um að fara eftir tilmælunum við þrif hjá sér. Við erum auk þess að vinna að leiðum til að upphefja gestgjafa sérherbergja og sameiginlegra herbergja sem hafa lofað því að sinna ítarlegri ræstingarviðmiðum.

    Hvernig get ég fylgst með breytingum á staðbundnum lögum og viðmiðunarreglum?
    Aðstæður þróast áfram og tilteknar ráðleggingar (svo sem um biðtíma áður en farið er inn í fasteign) gætu verið mismunandi milli staða. Bókamerktu þessa grein í hjálparmiðstöðinni til að fá nýjustu upplýsingar um leiðbeiningar um ræstingar þar sem þú ert.

    Vonandi gagnast þessi úrræði við endurskoðun á ræstingum. Þakka þér eins og alltaf fyrir að taka þátt í samfélagi Airbnb.

    Upplýsingarnar í þessari grein gætu hafa breyst frá birtingu.

    Aðalatriði

    • Nú bjóðast ræstingarreglur studdar af sérfræðingum með leiðbeiningum um hvert skref

    • Skráningar gestgjafa sem lofa að fylgja nýju viðmiðunarreglunum verða sýndar sérstaklega

    • Við bjóðum gestgjöfum sem geta ekki samþykkt reglurnar að velja um að hafa 72 klst. bókunarbil milli gesta

    Airbnb
    24. apr. 2020
    Kom þetta að gagni?