Stökkva beint að efni
    Haltu áfram til að sjá tillögur að niðurstöðum

    Reglur um gildar málsbætur og kórónaveiran (COVID-19)

    Uppfært 15. september 2020

    Hinn 11. mars lýsti Alþjóðaheilbrigðismálastofnunin (WHO) því yfir að faraldur kórónaveiru, þekkt sem COVID-19, væri orðinn að heimsfaraldri. Síðan þá hefur faraldurinn þróast hratt og ríkisstjórnir um allan heim eru að grípa til skjótra aðgerða til að hægja á dreifingu COVID-19.

    Við veitum því eftirfarandi vernd vegna COVID-19 samkvæmt reglum okkar um gildar málsbætur til að vernda samfélag okkar og veita hugarró. Þú ættir að fylgjast með uppfærslum um gjaldgengi á þessari síðu.

    Ábending: Ef þú ert gestur finnur þú leiðir til að afbóka og fá endurgreitt með því að opna ferðasíðuna og velja ferðina þína. Athugaðu hvernig það er gert. Ef þú ert gestgjafi eru upplýsingarnar á stjórnborði gestgjafa.

    Yfirlit

    Bókanir vegna gistinga og Airbnb upplifana gerðar 14. mars 2020 eða fyrr, með innritun frá 14. mars 2020 til 31. október 2020, falla undir reglurnar og þær má fella niður fyrir innritun. Gestir sem hætta við geta afbókað og fengið endurgreitt og gestgjafar geta afbókað án gjalda og án þess að hafa áhrif á stöðu ofurgestgjafa. Airbnb endurgreiðir öll þjónustugjöld vegna gjaldgengra afbókana eða gefur út ferðainneign. Til að afbóka samkvæmt reglunum þarftu að vottfesta staðreyndir og/eða framvísa stoðgögnum varðandi gildar málsbætur í þínu tilviki.

    Afbókunarreglur gestgjafa gilda eins og venjulega vegna bókana sem eru gerðar eftir 14. mars 2020.

    Afbókanir verða meðhöndlaðar samkvæmt gjaldgengum málsbótum sem voru í gildi þegar óskað var eftir því að afbóka. Ekki verður farið aftur yfir bókanir sem voru þegar felldar niður.

    Sé bókun þegar hafin (þ.e. innritun er lokið) eiga þessar gildu málsbætur ekki við.

    Aðrar reglur gilda um heimilisbókanir á meginlandi Kína og um bókanir hjá Luxe eða Luxury Retreats.

    Hvaða bókanir eru gjaldgengar

    Bókanir gerðar 14. mars 2020 eða fyrr

    Fella má niður bókanir fyrir innritun vegna gistingar og Airbnb upplifana séu þær gerðar 14. mars 2020 eða fyrr með innritun frá 14. mars 2020 og til 31. október 2020. Þetta þýðir að gestir sem afbóka samkvæmt reglunum geta fengið fulla endurgreiðslu með reiðufé eða ferðainneign sem nemur fjárhæðinni sem þeir greiddu (ef ferðainneign er í boði), gestgjafar geta afbókað samkvæmt reglunum án gjalda og án þess að það hafi áhrif á stöðu ofurgestgjafa og Airbnb mun annaðhvort endurgreiða öll þjónustugjöld eða gefa út ferðainneign vegna þeirra.

    Bókanir á gistingu og Airbnb upplifunum sem gerðar voru 14. mars 2020 eða fyrr með innritun eftir 31. október 2020 falla sem stendur ekki undir reglur okkar um gildar málsbætur fyrir COVID-19. Í þessum tilvikum gilda afbókunarreglur gestgjafa eins og venjulega.

    Sé bókun þegar hafin (innritun er lokið) eiga þessar gildu málsbætur ekki við.

    Bókanir gerðar eftir 14. mars 2020

    Bókanir á gistingu og Airbnb upplifunum sem gerðar voru eftir 14. mars 2020 eru ekki gjaldgengar samkvæmt reglum okkar um gildar málsbætur nema gesturinn eða gestgjafinn sé veikur af COVID-19. Aðstæður sem tengjast COVID-19 og teljast ekki gildar eru m.a.: samgönguraskanir og aflýsingar, ferðaráðleggingar og takmarkanir, heilsuráðleggingar og sóttkví, breytingar á gildandi lögum og önnur fyrirmæli stjórnvalda, svo sem rýmingarfyrirmæli, lokun landamæra, bann á skammtímaleigu og kröfur um að halda kyrru fyrir. Í þessum tilvikum gilda afbókunarreglur gestgjafa eins og venjulega.

    Reglum okkar um gildar málsbætur er ætlað að vernda gesti og gestgjafa gegn ófyrirsjáanlegum kringumstæðum sem koma upp eftir bókun. Eftir að Alþjóðaheilbrigðisstofnunin lýsti því yfir að COVID-19 væri heimsfaraldur eiga reglur um gildar málsbætur ekki lengur við vegna þess að COVID-19 og afleiðingar sjúkdómsins eru ekki lengur ófyrirsjáanlegar eða óvæntar. Mundu að kynna þér afbókunarreglur gestgjafa vandlega við bókun og íhugaðu að velja sveigjanlegan valkost.

    Hvernig þetta virkar

    Ef þú ert gestur finnur þú leiðir til að afbóka og fá endurgreitt með því að opna ferðasíðuna og velja ferðina þína. Athugaðu hvernig það er gert. Ef þú ert gestgjafi eru upplýsingarnar á stjórnborði gestgjafa.

    Fréttir af kórónaveirunni og úrræði

    Við höfum safnað greinum til þess að hjálpa samfélaginu okkar við þessar aðstæður í úrræðamiðstöðinni. Þú getur fundið nýjustu upplýsingar um viðbrögð okkar vegna COVID-19 en þau varða m.a. breytingar á reglum og stefnum og úrræði fyrir gestgjafa og gesti.

    Þú getur einnig lesið reglur um gildar málsbætur til að kynna þér yfir hvaða aðstæður þær ná aðrar en COVID-19.

    Við biðjum alla samfélagsmeðlimi um að virða aðra samfélagsmeðlimi, taka vel á móti þeim og fylgja reglum gegn mismunun.

    Við munum áfram fara yfir beitingu þessara reglna. Þú ættir að fylgjast með uppfærslum og nýjum upplýsingum á þessari síðu. Skoðaðu síðuna aftur 1. október 2020til að leita frétta ef þú ert með bókun gerða 14. mars 2020 eða fyrr með innritun seinna en 31. október 2020.

    Greinar um tengt efni
    Fékkstu þá aðstoð sem þú þurftir?

    Skráðu þig inn til að fá sérsniðna aðstoð

    Fáðu aðstoð í tengslum við bókanir, aðganginn þinn og fleira.
    Nýskráning