Stökkva beint að efni
    Haltu áfram til að sjá tillögur að niðurstöðum
    Fréttir af COVID-19
    Til að finna leiðir til að afbóka og fá endurgreitt velur þú bókun á ferðasíðunni. Reglur okkar um gildar málsbætur eiga aðeins við um tilteknar bókanir. Ef þú átt innritun eftir 15. september verða nýrri upplýsingar hér 15. ágúst 2020.

    Hvað á ég að gera ef einhver biður mig um að greiða fyrir utan vefsvæði Airbnb?

    Ef þú borgaðir fyrir bókun fram hjá Airbnb (til dæmis með símgreiðslu eða millifærslu) getur verið að þú hafir greitt fyrir sviksamlega bókun. Láttu okkur vita tafarlaust til að fá aðstoð.

    Ef þú ert ekki viss getur þú athugað hvort bókun þín var gerð í gegnum Airbnb.

    Sum gjöld eru greidd á staðnum

    Heildarkostnaður bókunar er oftast greiddur þegar gengið er frá bókun á vefsíðu Airbnb. Í sumum tilvikum greiðir þú hins vegar önnur gjöld á staðnum:

    • Viðbótargjöld: Fyrir sumar tegundir gistingar, eins og hótel, eru innheimt viðbótargjöld fyrir notkun aðstöðu. Þetta geta til dæmis verið dvalargjöld, tryggingarfé og ræstingagjöld. Þessi gjöld verða tekin fram í sundurliðun verðs áður en þú bókar og þau eru innheimt við innritun eða innan 48 klukkustunda frá útritun.
    • Staðbundinn gistináttaskattur: Hann er vanalega innifalinn í kostnaði bókunar þegar hún er gerð en á sumum svæðum ber gestgjöfum samkvæmt lögum að innheimta hann frekar á staðnum. Við biðjum gestgjafa að láta vita af þessum viðbótargjöldum áður en gestur bókar. Frekari upplýsingar um hvernig skattar virka fyrir gesti.

    Tilkynning á beiðni um greiðslu fram hjá síðunni

    Ef Airbnb gestgjafi biður þig um að greiða fram hjá síðunni eða í gegnum annað fyrirtæki biðjum við þig um að tilkynna okkur um það.

    Gestgjafi eða Airbnb mun ekki láta þig hafa reikning á PDF eða pappírsformi þar sem óskað er eftir greiðslu. Ef gestgjafi nefnir eitthvað af eftirfarandi skaltu tilkynna okkur það: Western Union, MoneyGram, cashier‘s check (í. bankatékka), money order og Liberty Reserve.

    Til að tilkynna skilaboð

    1. Opnaðu skilaboð á airbnb.com og smelltu samtalið með varhugaverðu skilaboðunum
    2. Smelltu á flaggið icon
    3. Tilgreindu ástæðu þess að þú ert að tilkynna viðkomandi og smelltu svo á næsta
    4. Ef þú vilt loka á öll samskipti við viðkomandi smellir þú á já, útiloka núna

    Til að tilkynna tölvupóst

    Ef þér berst tölvupóstur frá einhverjum, þ.á m. automated@airbnb.com eða nokkru öðru netfangi notandi@airbnb.com þar sem óskað er eftir því að þú greiðir, eða takir við greiðslu, framhjá síðunni, láttu okkur þá vita af því þegar í stað.

    Tegundir svindls

    Gefðu netfangið þitt aldrei upp áður en bókun er samþykkt, millifærðu fjármagn aldrei framhjá kerfum Airbnb og kynntu þér vel tölvupósta sem eiga að vera frá Airbnb.

    Meðal algengra svikategunda eru:

    • Fyrirframgreiðslusvindl: Einhver býðst til að greiða þér fyrir eða gefa þér gjöf ef þú greiðir í gegnum þjónustu sem tengist ekki Airbnb.
    • Vefveiðar: Einhver sendir tölvupóst eða hlekk sem líta út fyrir að koma frá Airbnb eða öðru vefsvæði sem nýtur trausts. Þessi skilaboð eru til þess gerð að svindla á þér og fá þig til að gefa upp trúnaðarupplýsingar eins og aðgangsorð eða önnur netföng. Veiðipóstur (e. phishing) gæti innihaldið spilliforrit, sem er hugbúnaður sem nær aðgangi að tölvunni þinni og getur safnað persónuupplýsingum og þar með talið lykilorðum.
    • Ferðasvindl: Einhver býður þér mjög gott verð á eign ef þú greiðir fyrir eða sendir innborgun með símgreiðslu. Þegar viðkomandi hefur móttekið greiðsluna lætur hann þig ekki fá bókunina sem var auglýst.
    • Ofrukkun: Einhver býðst til að greiða meira en bókunin kostar og biður gestgjafann svo um að endurgreiða mismuninn með reiðufé.
    • Bókunarsvindl í gegnum þriðja aðila: Einhver býðst til að bóka og greiða fyrir eign skráða á Airbnb í gegnum vefsetur eða þjónustu þriðja aðila og segist oft vera með afsláttarkóða eða afslátt hjá Airbnb. Almennt er greitt fyrir þessar bókanir með stolnum kreditkortum.

    Athugaðu: Allar bókanir sem fara framhjá Airbnb brjóta í bága við þjónustuskilmála okkar. Ef við tökum eftir því að bókun hafi verið gerð í gegnum þjónustu þriðja aðila getur verið að við fellum bókunina niður og gerum aðganga þess sem bókaði og gestsins óvirkan.

    Greinar um tengt efni
    Fékkstu þá aðstoð sem þú þurftir?